India vs Pakistan Hockey Asian Champions Trophy 2024 saam tv
Sports

India vs Pakistan: भारतीय हॉकी टीमकडून पाकिस्तानचा धुव्वा; कर्णधार Harmanpreet Singh चे दणादण २ गोल

India vs Pakistan: शनिवारी चीनमधील हुलुनबुरमध्ये झालेल्या सामन्यात भारताने हॉकीमध्ये कट्टर प्रतिस्पर्धी पाकिस्तानचा 2-1 असा दारूण पराभव केला.

Surabhi Jayashree Jagdish

आशियाई चॅम्पियन्स ट्रॉफी 2024 स्पर्धा सुरु असून या स्पर्धेमध्ये मध्ये भारतीय हॉकी टीमने विजयी मालिका सुरू ठेवलीये. शनिवारी चीनमधील हुलुनबुरमध्ये झालेल्या सामन्यात भारताने कट्टर प्रतिस्पर्धी पाकिस्तानचा 2-1 असा दारूण पराभव केला. भारतासाठी कर्णधार हरमनप्रीत सिंगने दोन्ही गोल केले. याशिवाय पाकिस्तानकडून एकमेव गोल अहमद नदीमने केला.

या स्पर्धेमध्ये भारत आणि पाकिस्तान यांच्यामध्ये चांगला संघर्ष पहायला मिळाली. या सामन्यात पहिल्या सात मिनिटांमध्ये पाकिस्तानने आघाडी घेतली होती. पाकिस्तानने भारताचा गोलकीपर कृष्ण बहादुर पाठकला चकमा देत पहिला गोल केला. यावेळी पाकिस्तानकडे १-० अशी आघाडी घेतली. मात्र यानंतर भारताने त्यांना संधी दिली नाही.

भारताने लगेच केला स्कोर बरोबर

यानंतर अवघ्या ६ मिनिटांच्या अंतराने टीम इंडियाचा कर्णधार हरमनप्रीत सिंहने पेनल्टी कॉर्नर वर गोल करत स्कोर समान केला. यानंतर दुसरा क्वार्टर टीम इंडियाच्या नावे राहिला. दुसऱ्या क्वार्टरच्या तिसऱ्या मिनिटाला भारताला पुन्हा पेनल्टी कॉर्नर मिळाला. १९व्या मिनिटाला जुगराज सिंगने सर्कलवरून चेंडू हरमनप्रीतकडे सोपवला अन् कर्णधाराने या संधीचं देखील सोनं केलं. यावेळी भारताने २-१ अशी आघाडी घेतली.

दुसऱ्या क्वार्टरमध्ये पाकिस्तानला आगेकूच करता आली नाही. २८व्या मिनिटाला नदीमने भारताच्या गोटात चिंता निर्माण केली होती. मात्र तो गोल थोडक्यात हुकला. मात्र, पुढच्या मिनिटाला त्याने टीमला पेनल्टी कॉर्नर मिळवून दिला. मात्र यावेळीही चेंडू गोलपोस्टच्या बारवर लागल्याने बरोबरीची संधी हुकली.

चौथ्या क्वार्टरमध्ये बरोबरी साधण्याचं मोठं आव्हान पाकिस्तानसमोर होतं. भारताने सुरुवातीच्या चार मिनिटांत पेनल्टी कॉर्नर मिळवला, परंतु पाकिस्तानने चांगला खेळ करत त्याचा बचाव केला. यावेळी भारताचा तिसरा गोल थोडक्यात होताना राहिला. दोन्ही टीम्समध्ये शाब्दिक भांडणही झाल्याचं दिसून आलं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Alibag Fishing Boat Capsizes: समुद्रात मच्छीमार बोट बुडाली; 5 खलाशांनी 9 तास पोहून गाठला किनारा, 3 जण बेपत्ता

Amravati Accident: चिखलदरा पर्यटन स्थळावर मोठा अपघात; ६०० फूट खोल दरीत कोसळली कार

Mahayuti Phone Taping: महायुतीच्या मंत्र्यांचेच फोन टॅप? रोहित पवारांच्या दाव्याने खळबळ

UPI Payment: फुकट UPI व्यवहार बंद होणार? प्रत्येक व्यवहारावर पैसे मोजावे लागणार?

PM Kisan: कधी मिळणार PM किसानचा हप्ता? 20 व्या हप्त्याची प्रतिक्षा कायम, कोणाला नाही मिळणार पैसा?

SCROLL FOR NEXT