पाकिस्तान क्रिकेटमध्ये पुन्हा एकदा उलथापालथ झाली आहे. पाकिस्तान क्रिकेट बोर्डाने घेतलेल्या निर्णयाने आणखी एका खेळाडूने राग व्यक्त केला आहे. बोर्डाने घेतलेल्या निर्णयामुळे २४ वर्षीय खेळाडूने अचानक निवृत्तीची घोषणा केली. बोर्डात सुरू असलेल्या राजकारणाला कंटाळून खेळाडूने निवृत्तीची घोषणा केली आहे.

पाकिस्तानचा युवा क्रिकेटपटू शाहबेज भट्टीने राजकारणाला कंटाळून निवृत्तीची घोषणा केली आहे. शाहजेब भट्टीने ९ मार्च रोजी सोशल मीडियावर पोस्ट करत निवृत्तीची घोषणा केली. शाहजेबने म्हटलं की, 'अलविदा पाकिस्तान क्रिकेट. वयाच्या २४ व्या वर्षी पाकिस्तान क्रिकेट सोडत आहे. मागील वर्षांत कायदे आजम ट्रॉफी जिंकली होती. यानंतर ४० सामन्यापासून मी बँचवर बसलो आहे'.

त्याने पुढे म्हटलं की, 'माझं एक पाकिस्तानचं प्रतिनिधित्व करण्याचं स्वप्न होतं. परंतु राजकारण, भ्रष्टाचार, कमी सुविधा यामुळे माझं करिअर उद्धवस्त झालं. मला आता माहीत झालं आहे की, आता प्रत्येक जण पाकिस्तान क्रिकेटमधून बाहेर पडत आहे'.

२०२५ साली सियालकोटने कायजे आजम ट्रॉफी जिंकली होती. शाहजेबने नवव्या विकेटसाठी २१ धावांची भागादारी केली होती. या सामन्यात शाहजेबने नाबाद ३२ धावा केल्या. शाहजेबचा संघ एका विकेटने जिंकला होता.२४ वर्षीय शाहबेजने पाकिस्तानमध्ये २ फर्स्ट क्लास सामने खेळले. त्याने त्यावेळी ३८ च्या सरासरीने ७६ धावा कुटल्या. १ लिस्ट ए आणि १ टी२० सामन्यात खेळण्याची संधी मिळाली. या सामन्यात शाहबेजने फलंदाजी केली नाही. गोलंदाजी करताना त्याने फर्स्ट क्लास सामन्यात ५ गडी बाद केले. त्याने लिस्ट ए मध्ये २ गडी बाद केले होते. टी२० सामन्यात त्याने १ गडी बाद केला होता.