Jay Shah Announcement, IPL 2025: आयपीएल २०२५ स्पर्धेच्या पार्श्वभूमीवर आयपीएल गव्हर्निंग कमिटीची बैठक पार पडली. या बैठकीत आयपीएल २०२५ स्पर्धेच्या दृष्टीने काही महत्वाचे निर्णय घेण्यात आले आहेत. जय शहा यांनी आयपीएल खेळणाऱ्या खेळाडूंसाठी एक मोठी घोषणा केली आहे. आता या स्पर्धेसाठी निवड झालेल्या खेळाडूंना काँक्ट्रॅकच्या रकमेसह प्रत्येक सामन्याची मॅच फी म्हणून ७.५ लाख रुपये दिले जाणार आहेत.

जय शहा यांनी आपल्या सोशल मीडिया अकाऊंटवरून एक पोस्ट शेअर केली आहे. ज्यात त्यांनी लिहिले की, ' आयपीएल स्पर्धेत सातत्याने शानदार कामगिरीच्या केल्याचा जल्लोष म्हणून एक ऐतिहासिक निर्णय घेण्यात आला आहे. आमच्या क्रिकेटपटूंना प्रत्येक सामन्यासाठी ७.५ लाख रुपये मॅच फी म्हणून दिले जाणार आहेत. जर एखादा खेळाडू हंगामातील सर्व सामने खेळणार असेल तर, त्याला कॉन्ट्रॅक्ट अमाऊंटसह १.०५ कोटी रुपये मॅच फी म्हणून दिले जातील.'

ही आयपीएलच्या नव्या युगाची सुरुवात असल्याचं जय शहा यांनी म्हटलं आहे. तसेच आगामी हंगामात सर्व खेळाडूंना मॅच फी देण्यासाठी फ्रेंचायझींना १२.६० कोटी रुपये दिले जाणार आहेत. असं जय शहा यांनी म्हटलं आहे. यापूर्वी खेळाडूंना केवळ कॉन्ट्रॅक्ट केलेली अमाऊंट दिली जायची. मात्र आता खेळाडूंना कॉन्ट्रॅक्ट अमाऊंटसह अतिरिक्त अमाऊंट दिली जाणार आहे.

कोलकाताने मारली बाजी

आयपीएल २०२४ स्पर्धेत सर्व संघांमध्ये चुरशीची लढत पाहायला मिळाली होती. या श्रेयस अय्यरच्या नेतृत्वाखाली खेळणाऱ्या कोलकाता नाईट रायडर्स आणि पॅट कमिन्सच्या नेतृत्वाखाली खेळणाऱ्या सनरायझर्स हैदराबाद संघाने या स्पर्धेतील फायनलमध्ये प्रवेश केला होता. शेवटी कोलकाता नाईट रायडर्स संघाने बाजी मारली आणि तिसऱ्यांदा आयपीएल स्पर्धेची ट्रॉफी उंचावली.