Weight Lifting News:

नवी मुंबई स्पोट्स असोसिएशन (एनएमएसए) च्या बिपीन कांबळे आणि सना मुल्ला यांनी राष्ट्रीय वेटलिफ्टिंग चैम्पियनशिप २०२४ स्पर्धेत दमदार कामगिरी करत दोन सुवर्णपदकांची कमाई करुन एनएमएसएच्या शिरपेचात आणखी एक मानाचा तुरा खोवला. त्यांच्या या अतुलनीय कामगिरीबाबत असोसिएशनचे अध्यक्ष लोकनेते आमदार गणेश नाईक, उपाध्यक्ष डॉ. दिलीप राणे, संयुक्त सचिव दत्तू पाटील, स्पोर्ट्स चेअरमन डॉ. विजय पाटील आदी मान्यवरांनी अभिनंदन करून पुढील वाटचालीसाठी यावेळी शुभेच्छा व्यक्त केल्या.

बिपीन कांबळे यांनी यापूर्वीही अनेक महत्वाच्या स्पर्धांमध्ये सुवर्णपदकावर नाव कोरलं आहे. आता नवी मुंबई स्पोट्स असोसिएशनच्या या वेटलिफ्टर्सने आणखी एका मोठ्या स्पर्धेत सुवर्णपदकावर नाव कोरलं आहे. या सुवर्ण कामगिरीनंतर त्यांच्यावर कौतुकाचा वर्षाव केला जात आहे. (Cricket news in marathi)

यापूर्वी त्यांनी अनेक जिल्हा आणि राज्यस्तरीय स्पर्धांमध्ये सुवर्णपदक पटकावलं आहे. तर ४ वेळेस राष्ट्रीय स्तरावरील चॅम्पियनशिप स्पर्धांमध्ये सुवर्णपदक पटकावलं आहे. यासह त्यांना भारताचा बलवान खिताब देखील मिळाला आहे. १ वेळेस त्यांनी आंतरराष्ट्रीय स्तरावरील पॉवरलिफ्टिंग चॅम्पियनशिपमध्ये सुवर्णपदकावर नाव कोरलं आहे. यासह २ वेळेस त्यांनी आशियाई पॉवरलिफ्टिंग चॅम्पियनशिप स्पर्धेत सुवर्णपदकावर नाव कोरलं आहे.