पॅरिस ऑलिम्पिक २०२४ (Paris Olympics 2024) स्पर्धेत नीरज चोप्रा (Neeraj Chopra) भारताकडून पुन्हा एकदा चमकला. नीरज चोप्राला सुवर्ण पदकासाठी प्रबळ दावेदार मानलं जात होतं. मात्र अर्शद नदीमच्या रेकॉर्ड ब्रेकिंग थ्रोमुळे नीरजला रौप्य पदकावर समाधान मानावं लागलं आहे.

दरम्यान ऑलिम्पिकमध्ये २ पदकं जिंकणाऱ्या नीरज चोप्राची ब्रँड व्हॅल्यू (Neeraj Chopra Brand Value) आता गगनाला जाऊन भिडली आहे. लवकरच ब्रँड व्हॅल्यूच्या बाबतीत तो हार्दिक पंड्यालाही मागे सोडलं आहे.

नीरजने टोकियो ऑलिम्पिक (Tokyo Olympics) स्पर्धेत सुवर्ण पदक आणि पॅरिस ऑलिम्पिक स्पर्धेत रौप्य पदकाला गवसणी घातली. फायनेंशियल ॲडवायझरी क्रोलाने दिलेल्या माहितीनुसार, नीरज चोप्राची ब्रँड व्हॅल्यू ही ३३० कोटींच्या पुढे जाणार आहे.

भारतात सर्वाधिक ब्रँड व्हॅल्यूच्या बाबतीत क्रिकेटपटू अव्वल स्थानी आहेत. तर नीरज चोप्रा हा नॉन क्रिकेटर म्हणून सर्वाधिक ब्रँड व्हॅल्यू असलेला भारतीय खेळाडू आहे. टोकियो ऑलिम्पिक स्पर्धेत सुवर्णपदक जिंकल्यानंतर त्याच्या ब्रँड व्हॅल्यूमध्ये झपाट्याने वाढ झाली.

मनू भाकरच्या ब्रँड व्हॅल्यूतही वाढ

पॅरिस ऑलिम्पिक स्पर्धेत नीरज चोप्रासह मनू भाकरचीही (Manu Bhaker) जोरदार चर्चा झाली. पॅरिस ऑलिम्पिक स्पर्धेत मनू भाकरने पदकांचं खातं उघडून दिलं होतं. तिने १० मीटर एअर पिस्तूल प्रकारात कांस्य पदकाला गवसणी घातली. (Manu Bhaker Brand Value)

त्यानंतर १० मीटर एअर पिस्तूल मिश्र प्रकारात तिने सरबजोत सिंगसोबत मिळून कांस्यपदकाला गवसणी घातली. डबल ऑलिम्पिक पदक जिंकल्यानंतर मनू भाकरची ब्रँड व्हॅल्यूही वाढली आहे. माध्यमातील वृत्तानुसार, ऑलिम्पिक स्पर्धेत जाण्यापूर्वी तिची ब्रँड व्हॅल्यू २५ लाख रुपये इतकी होती. जी आता १ कोटींच्या पुढे गेली आहे.