आयपीएल २०२६ च्या लिलावात खरेदी केलेल्या मुंबई इंडियन्सच्या खेळाडूने जबरदस्त खेळी खेळली आहे. मुंबई इंडियन्सच्या खेळाडूच्या वादळी मैदानातील प्रेक्षकही अवाक झाले. वेस्ट इंडिजचा आक्रमक फलंदाज शेरफेन रदरफोर्डला मुंबई इंडियन्सने खरेदी केला आहे. याच मुंबई इंडियन्समध्ये सामील झालेल्या फलंदाजाने मैदानात षटकारांचा पाऊस करत कमाल केली आहे.

दक्षिण आफ्रिका टी-२० लीगमध्ये रदरफोर्डने प्रिटोरिया कॅपिटल्सकडून खेळताना १५ चेंडूत ४७ धावांची खेळी खेळली. या डावात रदरफोर्डने ६ षटकार लगावले. ३१३ च्या स्ट्राइक रेटने खेळताना रदरफोर्डने विरोधी टीमच्या गोलंदाजांची चांगलीच धुलाई केली. दुसरीकडे त्याने डेवाल्ड ब्रेविसला चांगली साथ दिली. डेवाल्डनेही १३ चेंडूत ३६ धावा कुटल्या.

शेरफोन रदरफोर्ड आणि डेवाल्ड ब्रेविसच्या फलंदाजीचं सोशल मीडियावरही कौतुक होत आहे. दोन्ही फलंदाजांनी लगावलेल्या षटकारांची सर्वत्र चर्चा होत आहे. या दोघांनी षटकार लगावण्याची सुरुवात १८ व्या षटकांपासून सुरू केली. कॉर्बिन बॉशने टाकलेल्या षटकात पाचव्या आणि सहाव्या चेंडूत ब्रेविसने दोन षटकार लगावले. रदरफोर्डने त्यानंतर १९ व्या षटकातील पहिल्या ४ चेंडूत चार षटकार लगावले.

ब्रेविस आणि रदरफोर्डच्या जोडीने शेवटच्या तीन षटकात कमाल केली. दोघांनी प्रीटोरिया कॅपिटल्स संघासाठी चांगल्या धावा कुटल्या. कॅपिटल्सने १७ व्या षटकात ५ गडी गमावून १४८ धावा केल्या होत्या. दोघांनी १८ चेंडूत ७२ धावा कुटल्या. दोघांच्या खेळीमुळे कॅपिटल्सची धावसंख्या २० षटकात ५ गडी गमावून २२० वर पोहोचली. शेरफेनने या डावात ६ षटकार लगावले. ब्रेविसने एक चौकार आणि ४ षटकार लगावले. शेरफेनचा संघ १४.२ षटकानंतर १३५ धावांवर गारद झाली होती. त्यानंतर दोघांनी डाव सावरला.