व्हायरल होत असलेल्या व्हिडिओची आम्ही पडताळणी करतो आणि सत्यता समोर आणतो. असाच एक व्हायरल व्हिडिओ आमच्या हाती लागलाय.यात क्रिकेटर मोहम्मद सिराज मैदानात नमाज पठण करताना दिसतोय. पण, खरंच सिराजने मैदानात नमाज पठण केलंय का? याची आम्ही पडताळणी केली.त्यावेळी काय सत्य समोर आलं पाहुयात.

हा व्हिडिओ पाहा.या व्हिडिओवरून आता सोशल मीडियावर चांगलाच वाद निर्माण झालाय. भारतीय गोलंदाज मोहम्मद सिराज हा मैदानातच नमाज पठण करत असल्याचं व्हिडिओत दिसतंय.पण, खरंच सिराजने मैदानात नमाज पठण केलंय का? विराट कोहली, रोहित शर्मा आणि गिलने सिराजचा व्हिडिओ बनवलाय का? या व्हिडिओवरून अनेक प्रश्न उपस्थित होतायत.

हा व्हिडिओ आता व्हायरल होत असल्याने आम्ही याची पडताळणी सुरू केली. फेसबुक यूजर तनवीरूल हसन सिद्दिकीनं हा फोटो शेअर केलाय.राजकोटच्या सौराष्ट्र स्टेडियमवर मोहम्मद सिराजने नेट प्रॅक्टिस दरम्यान नमाज पठण केलं. सिराज आपल्या धर्माचा किती आदर करतो हे यातून दिसतंय असं पोस्टमध्ये लिहिलंय. व्हिडिओ, फोटो व्हायरल होत असल्याने आम्ही मोहम्मद सिराज, रोहित शर्मा, विराट कोहली आणि शुभमन गिल यांची सोशल मीडिया अकाउंट्स तपासून पाहिली.

मात्र, हा फोटो, व्हिडिओ कुठेही सापडलेला नाही. तसंच टी शर्टवरील स्पॉन्सर कंपनीचा लोगोही जुना असल्याचं आढळलं.त्यामुळे आम्ही याची पडताळणी केली असता काय सत्य समोर आलं पाहुयात.

व्हायरल सत्य/साम इन्व्हिस्टिगेशन

सिराजने मैदानात नमाज पठण केलेलं नाही

गोलंदाज सिराजचा व्हिडिओ AI निर्मित

विराट, रोहित, गिलने व्हिडिओ बनवलेला नाही.

फोटो आणि व्हिडिओ दोन्हीही एआय निर्मित असून, दिशाभूल करण्यासाठी हे व्हायरल केले जातायत.सिराजने मैदानात नमाज पठण केलेलं नाही.बदनामी करण्यासाठी हा व्हिडिओ व्हायरल केला जातोय...त्यामुळे आमच्या पडताळणीत सिराजने क्रिकेटच्या मैदानात नमाज पठण केल्याचा दावा असत्य ठरलाय.