नवी दिल्ली : ऑस्ट्रेलियात 16 ऑक्टोबरपासून टी-20 वर्ल्डकपची रणधुमाळी सुरू होणार आहे. वर्ल्डकपसाठी टीम इंडिया (Team India) सज्ज झाली असून स्टार गोलंदाज जसप्रीत बुमराहच्या जागेवर रिप्लेसमेंटची घोषणा करण्यात आली आहे. भारताचा वेगवान गोलंदाज मोहम्मद शमीला (Mohammed Shami) बुमराहच्या जागेवर 15 सदस्यांच्या भारतीय संघामध्ये सामील केलं आहे. पाठीच्या दुखापतीमुळं बुमराह टी-20 वर्ल्डकपमध्ये खेळणार नाहीय. बीसीसीआयने याबाबत माहिती दिली आहे. (Indian cricket team latest news update)

बीसीसीआयने दिलेल्या माहितीनुसार, अखिल भारतीय वरिष्ठ निवड समितीने मोहम्मद शमीला आयसीसी पुरूष टी-20 वर्ल्डकपसाठी भारतीय संघात जसप्रीत बुमराहच्या जागेवर खेळवण्याची घोषणा केलीय. शमी ऑस्ट्रेलियाला पोहोचला आहे. मोहम्मद सिराज आणि शार्दुल ठाकूरला राखीव खेळाडू म्हणून घोषीत केला आहे.

टी-20 वर्ल्डकपसाठी टीम इंडियाचा स्क्वॉड : रोहित शर्मा (कर्णधार), के एल राहुल (उप कर्णधार), विराट कोहली, सूर्यकुमार यादव,दीपक हुड्डा, रिषभ पंत (विकेट किपर), दिनेश कार्तिक (विकेट किपर), हार्दिक पंड्या, आर आश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंह, मोहम्मद शमी.