भारतीय वेटलिफ्टिंगची क्वीन म्हटलं जाणारी साखोम मीराबाई चानूने सुवर्ण पदक जिंकून लाखो भारतीयांची अपेक्षा पूर्ण केलीय. यंदाच्या राष्ट्रकुल क्रीडा स्पर्धेतील भारताचे हे तिसरे पदक, तर पहिले सुवर्णपदक ठरलंय. ग्लास्गो येथील राष्ट्रकुल क्रीडा स्पर्धेच्या चौथ्या दिवशी मीराबाई चानूने सुवर्ण पदक जिंकत देशाचा झेंडा उंचावलाय.

मीराबाई चानूने २०२६ च्या राष्ट्रकुल क्रीडा स्पर्धेत महिलांच्या ४८ किलो वजनी गटात उत्कृष्ट कामगिरी करत भारतासाठी सुवर्णपदक जिंकलंय. . मीराबाईने याआधी २०१८ मध्ये गोल्ड कोस्ट आणि २०२२ मध्ये बर्मिंगहॅम राष्ट्रकुल क्रीडा स्पर्धेत सुवर्णपदके जिंकली होती. आता ग्लास्गोमध्येही तिने सलग तिसरे सुवर्ण जिंकलंय.

स्नॅच प्रकारात मीराबाईने ८२ किलो वजनाने सुरुवात केली. पहिल्या प्रयत्नात ती अपयशी ठरली. मात्र, दुसऱ्या प्रयत्नात तिने यशस्वीरीत्या ८२ किलो वजन उचलले. त्यानंतर तिसऱ्या प्रयत्नात ८५ किलो वजन उचलत स्नॅच प्रकारात नवा राष्ट्रकुल क्रीडा स्पर्धेचा विक्रम प्रस्थापित केला आणि अव्वल स्थान मजबूत केलं. क्लीन अँण्ड जर्कमध्ये १०५ किलो वजनासह सुरुवात करताना ती पहिल्या प्रयत्नात अपयशी ठरली. पण दुसऱ्या प्रयत्नात तिने हा निर्णयही सार्थ ठरवत सलग तिसऱ्या सुवर्ण पदक जिंकलं.