MI VS PBKS Playing 11: आयपील २०२३ स्पर्धेत आज डबल हेडर (Double Header) सामन्यांचा थरार पाहायला मिळणार आहे. दुसऱ्या सामन्यात मुंबई इंडियन्स आणि पंजाब किंग्ज (MI vs PBKS) हे दोन्ही संघ आमने सामने येणार आहेत. मुंबई इंडियन्स संघाने गेल्या सामन्यात जोरदार विजय मिळवला होता. तर पंजाब किंग्ज संघाला गेल्या सामन्यात पराभवाचा सामना करावा लागला होता.

मुंबईने आतापर्यंत ५ सामने खेळले आहेत यापैकी ३ सामन्यांमध्ये त्यांना विजय मिळवता आला आहे. तर २ सामन्यांमध्ये पराभवाचा सामना करावा लागला आहे. तर पंजाबने ६ सामने खेळले आहेत. यापैकी ३ सामन्यांमध्ये विजय मिळवला आहे. तर ३ सामन्यांमध्ये पंजाबला पराभवाचा सामना करावा लागला आहे.

हा सामना आज संध्याकाळी ७:३० वाजता वानखेडे स्टेडियमवर रंगणार आहे. मात्र पंजाबची चिंता वाढवणारी बातमी म्हणजे शिखर धवन आज खेळणार का? कारण गेल्या २ सामन्यांपासून शिखर धवन दुखापतीमुळे खेळू शकला नाहीये. जर तो आज फलंदाजी करण्यासाठी आला तर नक्कीच पंजाबची फलंदाजी आणखी मजबूत होऊ शकते. तसेच मुंबईचा कर्णधार रोहित शर्माला देखील घरच्याच मैदानावर विजय मिळवण्यासाठी जोरदार कामगिरी करावी लागणार आहे. (MI vs PBKS Match Prediction)

रोहित, सूर्याला सुर केव्हा गवसणार?

पंजाब किंग्ज संघाचा फलंदाज शिखर धवनने (Shikhar Dhawan) ४ सामन्यांमध्ये फलंदाजी करताना २३४ धावा केल्या आहेत. तर मुंबई इंडियन्स संघाकडून फलंदाजी करताना तिलक वर्माने (Tilak Verma) अप्रतिम फलंदाजी केली आहे. त्याने ५ सामन्यांमध्ये २१५ धावा केल्या आहेत. रोहित शर्माने (Rohit Sharma)एका सामन्यात अर्धशतक झळकावत सामना जिंकून दिला होता. मात्र तो सातत्य टिकवून ठेवण्यात अपयशी ठरतोय. तर दुसरीकडे सूर्यकुमार यादवला (Suryakumar yadav) अजूनही सुरू गवसलेला नाहीये. (Latest sports updates)

अशी असू शकते दोन्ही संघांची प्लेइंग 11 (Mi vs PBKS Playing 11):

मुंबई इंडियन्स (Mumbai Indians Playing 11) :

इशान किशन, रोहित शर्मा(कर्णधार), तिलक वर्मा, सूर्यकुमार यादव, कॅमेरॉन ग्रीन, टिम डेव्हिड, जेसन बेहरेनडॉर्फ, हृतिक शोकेन, अर्जुन तेंडुलकर(Arjun Tendulkar), रिले मेरेडिथ, पियुष चावला

पंजाब किंग्स (Punjab Kings Playing 11):

अथर्व तायडे/शिखर धवन, हरप्रीत भाटिया, लियाम लिव्हिंगस्टोन, सिकंदर रझा, जितेश शर्मा, शाहरुख खान, सॅम करन, अर्शदीप सिंग, नॅथन एलिस, हरप्रीत ब्रार, राहुल चहर