MI VS CSK Match Updates : वानखेडे स्टेडियमवर आज आयपीएलमधील एल क्लासिको म्हणजे मुंबई इंडियन्स विरुद्ध चेन्नई सुपर किंग्स हा सामना खेळला गेला. हार्दिक पंड्याने टॉस जिंकला आणि मुंबईने प्रथम गोलंदाजी केली. चेन्नईच्या संघाने प्रथम फलंदाजी करताना १७६ धावा केल्या. १७७ धावांचे आव्हान मुंबईने सहज पेलावले. वानखेडेवरील विजयानंतर पॉईंट्स टेबलवर मुंबईचा संघ सहाव्या क्रमांकावर गेला आहे.

शेख रशीद आणि रचिन रवींद्र चेन्नईकडून सलामीसाठी आले. रचिन ५ धावा करुन माघारी परतला. शेख रशीदच्या साथीने आयुष म्हात्रेने खेळ पुढे नेला. २१३ च्या स्ट्राईक रेटने आयुषने झटपट ३२ धावा केल्या. मधल्या ओव्हर्समध्ये चेन्नईची सामन्यामधली पकड पूर्णपणे सुटल्याचे पाहायला मिळाले. एमएस धोनीने ४ धावा केल्या. शिवम दुबे आणि रविंद्र जडेजा या दोघांनी अर्धशतकीय खेळी केली. जसप्रीत बुमराहने २ विकेट्स घेतल्या.

दुसऱ्या बाजूला मुंबईची सुरुवात खूप चांगली झाली. रायन रिकल्टन २४ धावा करुन तंबूत परतला. त्यानंतर रोहित शर्माने सूर्यकुमार यादवच्या साथीने मोर्चा सांभाळला. रोहित शर्मा आणि सूर्यकुमार यादव शेवटपर्यंत टिकून राहिले. हिटमॅन रोहित शर्मा पुन्हा फॉर्मात आल्याचे पाहायला मिळाले. त्याने ४५ चेंडूंमध्ये नाबाद ७६ धावा केल्या. त्याला सूर्याची चांगली साथ लाभली. सूर्याने ३० चेंडूंमध्ये नाबाद ६८ धावा केल्या. पथीरानाच्या ओव्हरमध्ये पटापट तीन षटकार मारत सूर्यकुमार यादवने मुंबईचा विजय पक्का केला.

मुंबई इंडियन्सची प्लेईंग ११ -

हार्दिक पंड्या (कर्णधार), रायन रिकल्टन, विल जॅक्स, सूर्यकुमार यादव, तिलक वर्मा, नमन धीर, मिचेल सँटनर, दीपक चहर, ट्रेंट बोल्ड, जसप्रीत बुमराह, अश्वनी कुमार

चेन्नई सुपर किंग्सची प्लेईंग ११ -

एमएस धोनी (कर्णधार), शेख रशीद, रचिन रवींद्र, आयुष म्हात्रे, विजय शंकर, जेमी ओवर्टन, रवींद्र जडेजा, खलील अहमद, नूर अहमद, अंशुल कम्बोज, मथीश पाथिराना