LSG VS MI IPL 2023: आज लखनऊच्या एकाना स्टेडियमवर रोमांचक सामना रंगणार आहे. या सामन्यात लखनऊ सुपर जायंट्स आणि मुंबई इंडियन्स हे दोन्ही संघ आमने सामने येणार आहे. हा सामना प्लेऑफच्या दृष्टीने दोन्ही संघांसाठी अतिशय महत्वाचा असणार आहे. कारण हा सामना जिंकून दोन्ही संघांना प्लेऑफमध्ये जाण्याची संधी असणार आहे.

दरम्यान या सामन्यापूर्वी मुंबई इंडियन्स संघाची चिंता वाढली आहे. कारण लखनऊ सुपर जायंट्स संघातील एक गोलंदाज मुंबई इंडियन्स संघासाठी घातक ठरू शकतो.

मुंबई इंडियन्स संघाने १२ सामन्यांपैकी ७ सामने जिंकून १४ गुणांसह गुणतालिकेत तिसऱ्या स्थानी आहे. तर लखनऊचा संघ १२ पैकी ६ सामने जिंकून १३ गुणांसह चौथ्या स्थानी आहे. आजच्या सामन्यात लखनऊ सुपर जायंट्स संघातील गोलंदाज अमित मिश्रा हा मुंबई इंडियन्स संघाच्या अडचणीत वाढ करू शकतो.

रोहित शर्मा विरुद्ध अमित मिश्रा..

आज रोहित शर्मा आणि अमित मिश्रा आमने सामने येणार आहेत. रोहित शर्मा चांगली कामगिरी करण्यात अपयशी ठरतोय. तर अमित मिश्रा गोलंदाजीत चांगली कामगिरी करतोय. अमित मिश्राचा चेंडू वळू लागला तर रोहित शर्मा अडचणीत येऊ शकतो. (Latest sports updates)

अमित मिश्रा विरुद्ध खेळताना रोहितची कामगिरी...

रोहित शर्माला कसं आउट करायचं हे अमित मिश्राला चांगलच माहित आहे. त्याने सर्वाधिक ७ वेळेस रोहित शर्माला बाद करत माघारी धाडलं आहे. हे दोघे १७ वेळेस आमने सामने आले आहेत. रोहितने अमित मिश्राच्या ९१ चेंडूंचा सामना करत ८७ धावा केल्या आहेत. यादरम्यान रोहित ७ वेळा बाद होऊन माघारी परतला आहे.

केवळ रोहित शर्मा नव्हे तर ईशान किशन देखील अमित मिश्राविरुद्ध खेळताना संघर्ष करताना दिसून येतो. आयपीएल स्पर्धेच्या ३ इनिंगमध्ये ईशान किशनला केवळ ८ चेंडू खेळता आले आहेत. यादरम्यान ३ वेळेस तो बाद होऊन माघारी परतला आहे.