आयपीएल २०२४ स्पर्धेत आज डबल हेडर सामन्यांचा थरार रंगणार आहे. दुसऱ्या सामन्यात लखनऊ सुपर जायंट्स आणि गुजरात टायटन्स हे दोन्ही संघ आमने सामने येणार आहेत. हे दोन्ही संघ या हंगामात पहिल्यांदाच आमने सामने येणार आहेत. एकीकडे लखनऊ सुपर जायंट्सचा संघ विजयाची हॅट्ट्रिक करण्याच्या प्रयत्नात असणार आहे. तर दुसरीकडे गुजरातचा संघ गेल्या सामन्यातील पराभवाचा बदला घेण्याच्या प्रयत्नात असणार आहे. दरम्यान या सामन्यासाठी कशी असेल दोन्ही संघांची प्लेइंग ११? जाणून घ्या.
लखनऊ सुपर जायंट्स संघातील गोलंदाज रवी बिष्णोईला या हंगामात आपली छाप सोडता आलेली नाही. या संपूर्ण स्पर्धेत त्याला केवळ १ गडी बाद करता आला आहे. यादरम्यान त्याने ९६ धावा खर्च केल्या आहेत.
गुजरात टायटन्स संघातील अष्टपैलू खेळाडू विजय शंकरला देखील साजेशी कामगिरी करता आलेली नाही. त्याला आतापर्यंत १३ च्या सरासरीने केवळ ४० धावा खर्च करता आल्या आहेत. (Cricket news in marathi)
हा सामना रविवारी (८ एप्रिल) रंगणार आहे.
लखनऊ सुपर जायंट्स आणि गुजरात टायटन्स यांच्यातील सामना लखनऊच्या अटल बिहारी वाजपेयी इकाना स्टेडियमवर रंगणार आहे.
लखनऊ सुपर जायंट्स आणि गुजरात टायटन्स यांच्यातील सामना भारतीय वेळेनुसार संध्याकाळी ७:३० वाजता सुरू होईल.
केएल राहुल (कर्णधार आणि यष्टिरक्षक), क्विंटन डिकॉक, देवदत्त पडिक्कल, निकोलस पूरन, मार्कस स्टोइनिस, आयुष बदोनी, क्रुणाल पांड्या, रवि बिश्नोई, यश ठाकुर, नवीन-उल-हक, मयंक यादव.
शुभमन गिल (कर्णधार), वृद्धिमान साहा (यष्टिरक्षक), केन विलियम्सन/डेव्हिड मिलर, साई सुदर्शन, शाहरुख खान, राहुल तेवतिया, अजमातुल्लाह उमरजई, राशिद खान, नूर अहमद, उमेश यादव, नळकांडे.6
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.