नवी दिल्ली : न्यूझीलंड क्रिकेट संघाच्या (New Zealand Cricket Team) इंग्लंड दौऱ्यातील अडचणी वाढतच चालल्या आहेत. अनुभवी अष्टपैलू कॉलिन डी ग्रँडहोम दुखापतीमुळे तीन सामन्यांच्या मालिकेतून बाहेर होता. त्यानंतर इंग्लंड विरुद्धच्या सामन्यात त्याने पाच गडी बाद करुनही न्यूझीलंडने सामना गमावला. लॉर्ड्सवरील पहिल्या कसोटी सामन्यातील (cricket) पराभवानंतर आता कर्णधार केन विल्यमसन याला देखील दुसऱ्या कसोटी सामन्यात बाहेर रहावे लागत आहे. विल्यमसन (Kane Williamson) याचा कोविड-19 चा (covid) अहवाल पॉझिटिव्ह आल्याने त्यास आजचा सामना खेळता येणार नसल्याचे स्पष्ट झाले आहे. (Kane Williamson tested covid-19 positive)

गुरुवारी कोरोनाची किरकोळ लक्षणे दिसल्यानंतर विल्यमसनची रॅपिड अँटीजेन चाचणी (RAT) करण्यात आली. त्याचा अहवाल पाॅझिटिव्ह आला. त्याला पाच दिवस अलगीकरणात ठेवण्यात आले आहे. न्यूझीलंडसाठी हा मोठा धक्का मानला जात आहे. तीन सामन्यांच्या कसोटी मालिकेत ते यापुर्वीच इंग्लंडकडून ०-१ असे पिछाडीवर आहेत. (Cricket News Updates in Marathi)

केन विल्यमसनचा कोविड-19 चा अहवाल पॉझिटिव्ह आल्याने आजपासून ट्रेंट ब्रिज येथे खेळल्या जाणाऱ्या इंग्लंडविरुद्धच्या दुसऱ्या कसोटीसाठी न्यूझीलंडचे नेतृत्व टॉम लॅथमकडे साेपविण्यात आले आहे. टॉम लॅथमने यापुर्वी देखील विल्यमसन दुखापतीमुळे मैदानाबाहेर असताना संघाचे नेतृत्व केले होते. त्यामुळे या कसाेटी सामन्यात संघ उत्तम कामगिरी करेल असा विश्वास व्यक्त केला जात आहे. विल्यमसनच्या जागी हॅमिश रदरफोर्डचा (Hamish Rutherford) न्यूझीलंड संघात समावेश करण्यात आला आहे.

ESPNcricinfo च्या वृत्तानुसार न्यूझीलंडचे मुख्य प्रशिक्षक गॅरी स्टीड म्हणाले “आमच्यासाठी ही खूप वाईट बातमी आहे. महत्त्वाच्या सामन्याच्या आदल्या दिवशी विल्यमसनला कोरोनाची लागण झाली आणि त्याला या सामन्यातून बाहेर पडावे लागले. दुसऱ्या कसोटीतून बाहेर पडल्यामुळे तो नक्कीच निराश झाला असेल.

Edited By : Siddharth Latkar