ICC Test Rankings : भारताचा जलद गोलंदाज जसप्रीत बुमराह आयसीसी टेस्ट रँकिंगमध्ये पहिल्या क्रमांकावर पोहोचला आहे. कानपूरमध्ये बांगलादेशविरोधात दुसऱ्या कसोटी सामन्यात ६ गडी बाद करणारा बुमराहने फिरकीपटू आर. अश्विनला मागे टाकत पहिल्या स्थानावर पोहोचला आहे. बुमराहने बांगलादेशविरोधात ६७ धावा देऊन ६ गडी बाद केले होते.

तमिळनाडूचा फिरकीपटू अश्विनने कानपूर टेस्टमध्ये ५ गडी बाद केले. अश्विन टेस्ट रँकिंगमध्ये दुसऱ्या स्थानावर पोहोचला आहे. अश्विन हा बुमराहच्या एक रेटिंग पॉइंटने मागे आहे. रवींद्र जडेजा देखील टॉप १० मध्ये आहे. रवींद्र जडेजा टेस्ट रॅकिंगमध्ये सहाव्या क्रमांकावर आहे.

श्रीलंकेचा फिरकीपटू प्रभात जयसूर्या हा सातव्या क्रमाकांवर पोहोचला आहे. त्याने न्यूझीलंडविरोधात १८ गडी बाद केले होते. त्याने 'प्लेयर ऑफ द सीरीज'वर देखील नाव कोरलं होतं. या रँकिंगमध्ये एका पाकिस्तानी गोलंदाजाचा देखील समावेश आहे. जलद गोलंदाज शाहीन अफरीदी ७०९ रेटिंग पॉइंट्सने दहाव्या क्रमांकावर आहे.

जयस्वालने दाखवला जलवा

आयसीसीने फलंदाजांची रँकिंग देखील जाहीर केली आहे. भारतीय सलामीवीर यशस्वी जयस्वालने कानपूर टेस्टमध्ये चांगली कामगिरी करून बेस्ट रँकिंग मिळवली आहे. त्याने कानपूर टेस्टमध्ये ७२ आणि ५१ धावांची खेळी खेळली. यशस्वीने थेट तिसऱ्या क्रमांकावर उडी घेतली. यशस्वीच्या पुढे जो रुट आमि केन विलियमसन आहेत. तर विराट कोहलीने देखील टॉप १० मध्ये एन्ट्री केली आहे.

सध्या श्रीलंकेचा फलंदाज कामिंडू मेंडिस देखील चांगली कामगिरी करताना दिसत आहेत. २६ वर्षीय मेंडिस देकील ११ व्या स्थानावर पोहोचला आहे. त्याने न्यूझीलंडविरोधात खेळताना चांगली कामगिरी केली होती.