आयसीसी चॅम्पियन्स ट्रॉफी २०२५ स्पर्धा सुरु व्हायला अवघे काही दिवस शिल्लक राहिले आहेत. या स्पर्धेला १९ फेब्रुवारीपासून सुरुवात होणार आहे. या स्पर्धेसाठी भारतीय संघाची घोषणा देखील करण्यात आली आहे.

या संघात भारताचा वेगवान गोलंदाज जसप्रीत बुमराहला स्थान देण्यात आलं आहे. मात्र टेन्शन वाढवणारी बातमी अशी की,जसप्रीत बुमराह अजूनही पूर्णपणे फिट झालेला नाही. आता त्याच्या फिटनेसबाबत एक मोठी अपडेट समोर आली आहे.

जसप्रीत बुमराहने ऑस्ट्रेलिया दौऱ्यावर शानदार गोलंदाजी केली होती. त्याला संघाचं नेतृत्व करण्याची संधीही मिळाली होती. दरम्यान सर्वाधिक गडी बाद करणाऱ्या गोलंदाजांच्या यादीत तो अव्वल स्थानी होता.

यासह तो मालिकावीर देखील ठरला होता. मात्र चौथ्या कसोटीत गोलंदाजी करताना तो दुखापतग्रस्त झाला होता. त्यामुळे तो पाचव्या कसोटीतील दुसऱ्या डावात तो गोलंदाजीसाठी येऊ शकला नव्हता.

दुखापतग्रस्त असल्यामुळे सध्या तो संघाबाहेर आहे. त्याला इंग्लंडविरुद्ध होणाऱ्या मालिकेसाठी भारतीय संघात स्थान देण्यात आलेलं नाही. पूर्णपणे फिट नसल्यामुळे तो इंग्लंडविरुद्ध होणाऱ्या सुरुवातीच्या २ सामन्यांना मुकणार आहे. यासह तिसऱ्या सामन्यातून तो बाहेर होऊ शकतो.

माध्यमातील वृत्तानुसार, बुमराह न्यूझीलंडचे डॉक्टर रोवन शोटेन यांच्या संपर्कात आहे. चॅम्पियन्स ट्रॉफी स्पर्धेसाठी जसप्रीत बुमराह संघात असणं अतिशय गरजेचं आहे. त्यासाठी बुमराह १०० टक्के फिट व्हावं लागेल.

बुमराह दुखापतीवर ट्रिटमेंट घेण्यासाठी न्यूझीलंडला जाणार असल्याची चर्चा सुरु आहे. मात्र तो या मालिकेतून बाहेर झाल्यास बीसीसीआयने त्याचा बॅकअप तयार ठेवला आहे. जसप्रीत बुमराहच्या जागी हर्षित राणाला भारतीय संघात संधी दिली जाऊ शकते.

आयसीसी चॅम्पियन्स ट्रॉफीसाठी असा आहे भारतीय संघ:

रोहित शर्मा (कर्णधार), विराट कोहली, रिषभ पंत, श्रेयस अय्यर, हार्दिक पंड्या, जसप्रीत बुमराह, मोहम्मद शमी, शुबमन गिल (उपकर्णधार), यशस्वी जयस्वाल, अक्षर पटेल, केएल राहुल, वॉशिंग्टन सुंदर, कुलदीप यादव, अर्शदीप सिंग, रविंद्र जडेजा