Ishan Kishan Fifty against Pakistan: पाकिस्तानच्या विरोधात टी २० वर्ल्डकप २०२६ च्या सामन्यात ईशान किशननं वादळ पाहायला मिळालं. त्याने २७ चेंडूत अर्धशतक ठोकत इतिहास रचला. पहिल्या षटकात अभिषेक शर्मा बाद झाल्यानंतर टेन्शनमध्ये आलेल्या संघाचा डाव ईशानने सावरला. पाकिस्तान गोलंदाजांची धुलाई करताना स्टार खेळाडू शुभमन गिलचा रेकॉर्ड मोडला.

ईशानने भारत-विरुद्ध पाकिस्तान सामन्यात पॉवरप्लेमध्ये सर्वाधिक धावा करणारा फलंदाज ठरला आहे. त्याने पॉवरप्लेमध्ये ४२ धावा केल्या. भारत-पाकिस्तान T20I सामन्यामध्ये पॉवरप्लेमध्ये आतापर्यंत कोणत्याही भारतीय खेळाडूने ईशान इतक्या धावा केलेल्या नाही. याआधी आशिया कप २०२५ स्पर्धेत दुबईत झालेल्या सामन्यात शुभमन गिलने ३५ धावा केल्या होत्या.

ईशान ४० चेंडूत ७७ धावा करून बाद झाला. यात ३ षटकार, १० चौकारांचा समावेश आहे. ईशानला सॅम अयूबने बाद केलं. या सामनाच्या डावात ईशानने आणखी रेकॉर्ड नावावर केला आहे. भारत-पाकिस्तान टी२० सामन्यात सर्वाधिक जलक अर्धशतक ठोकणारा तिसरा फलंदाज ठरला आहे.

भारत-पाकिस्तान टी20 सामन्यांतील सर्वात जलद अर्धशतक

23 चेंडू - मोहम्मद हफीज, अहमदाबाद, 2012

24 चेंडू - अभिषेक शर्मा, दुबई, 2025

27 चेंडू – ईशान किशन, कोलंबो, 2026

29 चेंडू – युवराज सिंह, अहमदाबाद, 2012

तत्पूर्वी, श्रीलंकेच्या प्रेमदासा स्टेडियमध्ये भारताने पॉवरप्लेमध्ये आक्रमक सुरुवात केली. टीम इंडियाने ६ षटकात १ गडी गमावून ५२ धावा केल्या. पॉवरप्लेमध्ये पाकिस्तानी कर्णधार सलमान अलीने सामन्याआधी अभिषेकने खेळण्याची इच्छा दर्शवली होती. परंतु पहिल्याच षटकात अभिषेक शर्मा शून्यावर बाद झाला. अभिषेक मागील ६ सामन्यात चार वेळा शून्यावर बाद झालाय. यंदा ईशान किशन आणि तिलक वर्माने संघाचा डाव सावरला. शाहीन आफ्रिदीच्या षटकात १५ धावा ठोकल्या.