आयपीएल २०२४ स्पर्धा समाप्त झाली आहे. या स्पर्धेत कोलकाता नाईट रायडर्स संघाने सनरायझर्स हैदराबादला पराभूत करत तिसऱ्यांदा जेतेपदावर नाव कोरलं. आगामी 2025 आयपीएल स्पर्धेपूर्वी मेगा ऑप्शन होणार आहे. मेगा ऑप्शनच्या नियमानुसार प्रत्येक फ्रॅंचाईजीला 3+1 म्हणजे 4 खेळाडूंना रिटेन करण्याची अनुमती दिली जाते. या नियमानुसार फ्रॅंचाईजी 3 खेळाडूंना रिटेन करू शकतात. तर एका खेळाडूला राईट टू मॅच कार्डनुसार पुन्हा एकदा खरेदी करू शकतात. मात्र फ्रॅंचाईजींनी 4 नव्हे तर 8 खेळाडूंना रिटेन करण्याची मागणी केली होती.

फ्रॅंचाईजींनी आगामी हंगामात 8 खेळाडूंना रिटेन करण्याची मागणी केली होती. मात्र न्यूज 18 च्या वृत्तानुसार बीसीसीआय 3 +1 च्या नियमावर अडून आहे. बीसीसीआयचं म्हणणं आहे की, मेगा ऑक्शनमुळे सर्व संघांमध्ये मोठे फेरबदल पाहायला मिळतात. त्यामुळे बीसीसीआय 8 खेळाडूंना रिटेन करण्याची मागणी फेटाळून लावू शकते.

माध्यमातून वृत्तामध्ये असंही म्हटलं गेलं आहे की, बीसीसीआयने 4 पेक्षा अधिक खेळाडूंना रिटेन करण्याची मागणी फेटाळून लावली आहे. जर 8 खेळाडूंना रिटेन करण्याची अनुमती दिली गेली, तर सर्व संघ 6 खेळाडूंना आपल्या संघात ठेवू शकतील आणि 2 खेळाडूंना राईट टू मॅच कार्डने पुन्हा खरेदी करु शकतील. यामुळे आयपीएलच्या लोकप्रियतेवर परिणाम होऊ शकतो.