Hardik Pandya News  saam digital
Sports

Hardik Pandya News : हार्दिकचं नाव पुकारताच प्रेक्षकांमधून रोहित...रोहितच्या घोषणा; संजय मांजरेकर खवळले!

MI Vs RR, IPL 2024: मुंबई इंडियन्स आणि राजस्थान रॉयल्स या दोन संघांमध्ये सोमवारी मुंबईतील वानखेडे मैदानात सामना रंगला. होमग्राउंडवरच मुंबईला पराभूत व्हावं लागलं. मुंबईचा हा सलग तिसरा पराभव आहे. तत्पूर्वी, सामन्याच्या सुरुवातीलाच हार्दिक पंड्याला चिडवणाऱ्या प्रेक्षकांवर समालोचक आणि दिग्गज क्रिकेटपटू संजय मांजरेकर खवळले.

ब्युरो रिपोर्ट, साम टीव्ही, मुंबई

Mumbai Indians vs Rajasthan Royals, IPL 2024

मुंबई इंडियन्सचा कर्णधार हार्दिक पंड्या (Hardik Pandya)आणि राजस्थान रॉयल्सचा कर्णधार संजू सॅमसन हे दोघे नाणेफेकीसाठी मैदानात आले असता, वानखेडेवरील प्रेक्षकांनी रोहित शर्माच्या नावाचा जयघोष सुरू केला. हार्दिकला अशा प्रकारे चिडवणं समालोचक आणि दिग्गज क्रिकेटपटू संजय मांजरेकरांना सहन झालं नाही. ते प्रेक्षकांवर खवळले. हार्दिकला डिवचणाऱ्या प्रेक्षकांना त्यांनी मैदानातूनच गोड सल्ला दिला. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हार्दिक पंड्याच्या नेतृत्वाखाली मुंबई इंडियन्स (Mumbai Indians) आणि राजस्थान रॉयल्स या होन संघांमध्ये मुंबईतील वानखेडेवर सामना रंगला. या सामन्यात मुंबईच्या संघाला पराभूत व्हावं लागलं. हा या मोसमातील तिसरा पराभव होता. तत्पूर्वी आधीचे दोन सामने गमावलेला आणि प्रेक्षकांच्या ट्रोलिंगचा सामना करणाऱ्या हार्दिकला वानखेडेवरही वाईट अनुभव आला. नाणेफेकीसाठी मैदानात हार्दिक आणि संजू सॅमसन हे दोघे आले होते. समालोचक मांजरेकर यांनी हार्दिकचं नाव पुकारलं. त्यावर प्रेक्षकांमधून रोहित शर्माच्या नावानं घोषणाबाजी सुरू झाली.

समालोचक मांजरेकर यावरून चिडले. हार्दिकला चिडवणाऱ्या प्रेक्षकांना त्यांनी तिथंच सल्ला - वजा इशारा देऊन टाकला. कृपया नीट वर्तन असू द्या, असं मांजरेकर म्हणाले. रोहित शर्माच्या नावाच्या घोषणा सुरू असताना, हार्दिकच्या चेहऱ्यावर हसू होतं. त्यानंतर सामन्याला सुरुवात झाली.

हार्दिकवर इतका राग का?

आयपीएलच्या हंगामाला सुरुवात होण्याआधी मुंबई इंडियन्सच्या संघात मोठा बदल झाला. हार्दिक पंड्या गुजरातचा संघ सोडून मुंबईच्या तंबूत परतला. इतकंच नाही तर, रोहित शर्माला कर्णधारपदावरून हटवून हार्दिक पंड्याकडे जबाबदारी दिली. हीच बाब मुंबई इंडियन्सच्या चाहत्यांना खटकली. त्यांनी हार्दिकला ट्रोल करण्यास सुरुवात केली.

आतापर्यंतच्या तिन्ही सामन्यांदरम्यान हार्दिकला प्रेक्षकांच्या रोषाला सामोरे जावे लागले आहे. तर मुंबई इंडियन्सचा कर्णधार रोहित शर्मा असायला हवा होता, असं त्याच्या चाहत्यांचं म्हणणं आहे. सोशल मीडियावरही हार्दिकला ट्रोल केले जात आहे. आता प्रेक्षकांचा रोष, सलग तीन पराभव यातून सावरून हार्दिक पंड्या कसं कमबॅक करतो हे पाहणं औत्सुक्याचं ठरेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anagha Atul: भरपावसात साडी नेसून अनघा अतुलचं बोल्ड फोटोशूट, Photos

Maharashtra Live News Update: रायगडच्या पायथ्याशी जोरदार पाऊस

Pune PMC News : पुण्यातील नामांकित 'जोशी' पुलावर घाणीचे साम्राज्य, महापालिकेच्या निष्क्रियतेवर नागरिकांचा संताप

Healthy liver color: निरोगी लिव्हरचा रंग कसा असतो?

Mumbai Rain: मुंबईत कोसळधार! चेंबूरमध्ये पालिका रुग्णालयाबाहेर ४ फुटांपर्यंत पाणी, रुग्णांना खांद्यावरून नेण्याची वेळ; पाहा VIDEO

SCROLL FOR NEXT