आयपीएल २०२४ स्पर्धेत शुक्रवारी झालेल्या सामन्यात कोलकाता नाईट रायडर्स आणि रॉयल चॅलेंजर्स बंगळुरु हे दोन्ही संघ आमने सामने आले होते. या सामन्यात कोलकाताने रॉयल चॅलेंजर्स बंगळुरुवर ७ गडी राखून विजय मिळवला आहे. चिन्नास्वामीच्या मैदानावर झालेल्या सामन्यात वेंकटेश अय्यर आणि सुनील नरेनच्या खेळीच्या बळावर कोलकाताने हा सामना एकतर्फी जिंकला. दरम्यान या विजयानंतर गुणतालिकेत मोठा फेरबदल पाहायला मिळाला आहे.
श्रेयस अय्यरच्या नेतृत्वाखाली खेळणाऱ्या कोलकाता नाईट रायडर्स संघाने या स्पर्धेतील दोन्ही सामने जिंकले आहेत. २ सामन्यातील २ विजयांसह कोलकाता नाईट रायडर्स संघ दुसऱ्या स्थानी पोहोचला आहे. तर सलग २ सामने जिंकणारा चेन्नई सुपर किंग्ज संघ गुणतालिकेत अव्वल स्थानी आहे. चेन्नई आणि कोलकाताचे गुण सारखेच आहेत. मात्र नेट रनरेटच्या बळावर चेन्नई सुपर किंग्ज संघाने अव्वल स्थान गाठलं आहे.
तर रॉयल चॅलेजंर्स बंगळुरु संघाबद्दल बोलायचं झालं तर, ३ पैकी १ सामना जिंकून हा संघ गुणतालिकेत सहाव्या स्थानी आहे. कोलकाता नाईट रायडर्सचा संघ दुसऱ्या स्थानी पोहचल्यानंतर राजस्थान रॉयल्स आणि सनरायझर्स हैदराबादचा संघ अनुक्रमे तिसऱ्या आणि चौथ्या स्थानी पोहोचला आहे. (Cricket news in marathi)
पंजाब किंग्जचा संघ या यादीत पाचव्या स्थानी आहे. शिखर धवनच्या नेतृत्वाखाली खेळणाऱ्या पंजाब किंग्ज संघाने २ पैकी १ सामना जिंकला आहे. तर गुजरात टायटन्स संघाला देखील २ पैकी १ सामना जिंकता आला आहे. हा संघ गुणतालिकेत सातव्या स्थानी आहे.
मुंबईचा संघ शेवटी ...
मुंबई इंडियन्स संघाला या हंगामात हवी तशी सुरुवात करता आलेली नाही. हार्दिक पंड्याच्या नेतृत्वाखाली खेळणाऱ्या संघाने सुरुवातीचे दोन्ही सामने गमावले आहेत. या यादीत दिल्ली कॅपिटल्सचा संघ आठव्या स्थानी आहे. तर मुंबई इंडियन्सचा संघ सर्वात शेवटी आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.