Pat Cummins Becomes Most Expensive Player In IPL History:

आयपीएल २०२४ स्पर्धेसाठीचा लिलाव सोहळा दुबईत सुरु आहे. या लिलावात ऑस्ट्रेलियाचा कर्णधार पॅट कमिन्सवर आयपीएल स्पर्धेच्या इतिहासातील विक्रमी बोली लागली आहे. सनरायझर्स हैदाराबाद संघाने त्याला २०.५ कोटींची बोली लावत आपल्या संघात स्थान दिलं आहे.

सनरायझर्सने लावली विक्रमी बोली..

पॅट कमिन्स हा आयपीएल स्पर्धेच्या इतिहासातील सर्वात महागडा खेळाडू ठरला आहे. या लिलावात येण्यापूर्वीच असा अंदाज व्यक्त करण्यात आला होता,की पॅट कमिन्सवर मोठी बोली लागणार. हा अंदाज खरा ठरलाय. (Latest sports updates)

पॅट कमिन्सची मुळ किंमत २ कोटी रुपये इतकी होती. पॅट कमिन्सला आपल्या संघात स्थान देण्यासाठी मुंबई इंडियन्स, रॉयल चॅलेंजर्स आणि सनरायझर्स हैदराबाद या तिन्ही संघांमध्ये चुरशीची लढत पाहायला मिळाली. शेवटी मुंबईने बोली लावणं सोडलं. मात्र हैदराबाद आणि बंगळुरु यांनी बोली लावणं सुरुच ठेवलं. शेवटी २० कोटींची बोली लागल्यानंतर रॉयल चॅलेंजर्स बंगळुरुने माघार घेतली आणि पॅट कमिन्स सनरायझर्स हैदराबाद संघात दाखल झाला.