IPL 2023 Gujarat Titans : इंडियन प्रीमियर लीग अर्थात आयपीएल 2023 चा 16 वा हंगाम 31 मार्चपासून सुरू होणार आहे. यावेळी सलामीचा सामना गतविजेता गुजरात टायटन्स आणि चेन्नई सुपर किंग्ज यांच्यात होणार आहे. पण आयपीएल सुरू होण्यापूर्वीच हार्दिक पांड्याच्या गुजरात टायटन्ससाठी एक वाईट बातमी आहे. त्याचा मोठा खेळाडू जखमी झाला आहे. (Latest Sports Updates)

त्यामुळे तो सुरुवातीच्या सामन्यांमधून बाहेर पडण्याची शक्यता आहे.जोशुआ लिटल असे या खेळाडूचे नाव असून तो आयर्लंडकडून खेळतो. जोशुआने गेल्या वर्षी टी-२० विश्वचषकात न्यूझीलंडविरुद्ध हॅट्ट्रिक घेतली होती. IPL 2023 च्या लिलावात जोशुआ लिटलने इतिहास रचला होता.  (Sports News)

आयपीएल लिलावात विकला जाणारा तो पहिला आयरिश खेळाडू ठरला. जोशुआ लिटलला हार्दिक पांड्याच्या गुजरात टायटन्सने तब्बल 4.4 कोटी रुपयांना विकत घेतले. साऊथ आफ्रिकाविरुद्धच्या सामन्यादरम्यान त्याला हॅमस्ट्रिंगची दुखापत झाली होती. या कारणामुळे त्याने पाकिस्तान सुपर लीगमधून माघार घेतला. IPL 2023

जोशुआ पीएसएलमध्ये मुलतान सुलतान संघाकडून खेळणार होता. मात्र, आता त्याने स्पर्धेतून माघार घेतली आहे. दरम्यान, जोशुआ लिटल जखमी झाल्याने गुजरात टायटन्स संघासह कर्णधार हार्दिक पांड्याचं देखील टेन्शन वाढलं आहे. तो आयपीएल खेळणार की नाही याकडेच सर्वांच्याच नजरा लागल्या आहेत.

एका क्रिडा वाहिनीने दिलेल्या वृत्तानुसार, जोशुआ लिटल पुढील महिन्यात बांगलादेश दौऱ्यातून आयर्लंड संघात पुनरागमन करू शकतो. आयर्लंडला मार्चमध्ये बांगलादेशचा दौरा करायचा आहे. 18 मार्चपासून दोन्ही देशांदरम्यान एकदिवसीय मालिका खेळवली जाणार आहे. यानंतर आयर्लंड आणि बांगलादेश यांच्यात टी-२० सामनाही होणार आहे. ही मालिका 31 मार्चला संपणार आहे. त्याच दिवशी अहमदाबादमध्ये गुजरात टायटन्स आणि चेन्नई सुपर किंग्ज यांच्यातील सामन्याने आयपीएल 2023 ची सुरुवात होईल.

Edited By - Satish Daud