IPL 2022: केकेआरच्या संघाने आज एक मोठी घोषणा केली आहे. श्रेयश अय्यर हा कोलकाताच्या संघाचा कर्णधार असणार आहे. 2022 च्या हंगामात श्रेयश कोलकाताचं नेतृत्व करताना दिसणार आहे. आंद्रे रसेलकडे संघाचं कर्णधार पद जाण्याची शक्यता होती. परंतु लिलावात फ्रँचायझींने श्रेयश अय्यरला १२ कोटी रुपयांत विकत घेतले आहे.

कोलकाता नाईट रायडर्स (KKR) संघाने या मोसमात आधीच दोन मोठ्या करामती केल्या आहेत. पहिली म्हणजे आगामी हंगामासाठी 4 खेळाडूंना रिटेन केले आहे आणि दुसरे म्हणजे टीम इंडियाचे (Team India) गोलंदाजी प्रशिक्षक भरत अरुण यांना संघाचे गोलंदाजी प्रशिक्षक म्हणून करारबद्ध केले आहे. केकेआरने आयपीएल लिलावापूर्वी आंद्रे रसेल (12 कोटी), वरुण चक्रवर्ती (8 कोटी), व्यंकटेश अय्यर (8 कोटी) आणि सुनील नरेन (6 कोटी) यांना रिटेन केले आहे.

लिलावात बोली लावण्यासाठी संघाकडे 48 कोटी शिल्लक होते. यापूर्वी जानेवारीमध्ये KKR ने भारताचे माजी गोलंदाजी प्रशिक्षक भरत अरुण यांची गोलंदाजी प्रशिक्षक म्हणून नियुक्ती केली होती. भरत अरुण हे 2014 पासून भारतीय राष्ट्रीय संघाचे गोलंदाजी प्रशिक्षक होते आणि भारतीय संघाला नवीन उंचीवर नेण्यात त्यांचा मोलाचा वाटा होता. एक खेळाडू म्हणून त्यांनी कसोटी आणि एकदिवसीय सामन्यांमध्ये भारताचे प्रतिनिधित्व केले आहे त्याचबरोबर तामिळनाडूसाठी ते खूप यशस्वी खेळाडू होते.

Edited By: Pravin Dhamale