आयपीएलच्या (IPL 2022) हंगामात आज सामना नाहीतर युद्ध रंगणार आहे. सामना एक असणार आहे परंतु नशिब दोन संघ आजमवणार आहेत. दिल्लीच्या संघाचे नशिब त्यांच्या हातात असणार आहे तर बेंगलोरचे नशिब मुंबईच्या हातात असणार आहे. मुंबईच्या वानखेडे स्टेडियमवरती हा सामना होणार आहे. (MI vs DC)

मुंबईच्या संघाला एक फायदा होणार आहे ज्याने दिल्लीच्या संघाला विजय जड जाऊ शकतो तो म्हणजे सामना मुंबईच्या होम ग्राऊंडवरती होत आहे. मुंबईच्या संघाकडे गमावण्यासारखे काहीच नाहीये. परंतु दिल्लीच्या संघाने आजचा सामना जर गमावला तर ते प्लेऑफमधून बाहेर जाणार आहेत.

दिल्लीचा संघ प्लेऑफच्या रेसमध्ये आहे. दिल्लीचा जर इकडे विजय झाला तर तिकडे आरसीबीचा संघ बाहेर पडणार आहे. मुंबईचा संघाला हारल्याने काही फरक पडणार नाहीये परंतु मुंबईचा संघ हॅप्पी एंडींग करण्यासाठी मैदानावर उतरेल. संध्या आरसीबीचे १६ पॉईंट आहेत तर दिल्लीच्या संघाचे १४ प़ॉईंट आहेत.

परंतु दिल्लीचे नेट रन रेट हे आरसीबीच्या संघापेक्षा चांगले आहे. त्यामुळे जर दिल्लीचा संघ सामना जिंकला तर आपोआप प्लेऑफसाठी पात्र ठरेल. दरम्यान या अगोदर गुजरात टायटन्स, राजस्थान रॉयल, लखनौच्या संघाने प्लेऑओफमध्ये प्रवेश केला आहे. आता प्रतीक्षा फक्त एका संघाची आहे. प्लेऑफमध्ये जाणार चौथा संघ कोणता असणार हे आजचा सामना झाल्यानंतर समजणार आहे.

संभाव्य संघ

मुंबई इंडियन्स

रोहित शर्मा (कर्णधार), इशान किशन (विकेटकीपर), टिलक वर्मा, रमणदीप सिंग, ट्रिस्टन स्टब्स, टीम डेव्हिड, डॅनियल सॅम्स, संजय यादव, जसप्रीत बुमराह, रिले मेरेडिथ, मयंक मार्कंडे.

दिल्ली कॅपिटल्स

सरफराज खान, डेव्हिड वॉर्नर, मिचेल मार्श, ऋषभ पंत (कर्णधार) (विकेटकीपर), ललित यादव, रोवमन पॉवेल, अक्षर पटेल, शार्दुल ठाकूर, कुलदीप यादव, अॅनरिक नोर्टजे, खलील अहमद.

Edited By: Pravin Dhamale