भारत विरूद्ध दक्षिण आफ्रिका यांच्यामध्ये दुसरा टेस्ट सामना गुवाहाटीमध्ये खेळवण्यात येतोय. या सामन्यात दक्षिण आफ्रिकेने पहिल्यांदा फलंदाजी करताना ४८९ रन्स केले होते. तर टीम इंडिया पहिल्याच डावात २०१ रन्सवर माघारी परतलीये. टीम इंडियाची परिस्थिती इतकी बिकट झाली की फॉलो ऑन देखील लागला असता. मात्र दक्षिण आफ्रिकेच्या टीमने फॉलो ऑन न देण्याचा निर्णय घेतला आहे.

यान्सनेच्या गोलंदाजीसमोर टीम इंडिया ढेपाळली

दक्षिण आफ्रिकेचा गोलंदाज मार्को यान्सेन याने या डावात ६ विकेट्स घेतले. याशिवाय फलंदाजीमध्येही त्याने ९३ रन्सची मोठी खेळी केली होती. टीम इंडियाकडून यशस्वी जयस्वालने सर्वाधिक म्हणजे ५८ रन्सची खेळी केली. टीम इंडियाचा ऑल आऊट झाल्यानंतर दक्षिण आफ्रिकेकडे २८८ रन्सची आघाडी आहे.

ऋषभ पंतच्या नेतृ्त्वाखाली टीम इंडियाकडे ही टेस्ट सिरीज ड्रॉ करण्याची संधी होती. मात्र टीम इंडियाच्या फलंदाजांना चांगला खेळ करता आला नाही. टीम इंडियाला या सिरीजच्या पहिल्या टेस्टमध्ये ३० रन्सने सामना गमवावा लागला होता.

दक्षिण आफ्रिकेचा कर्णधार टेम्बा बावुमाने फॉलो-ऑन लागू न करण्याचा निर्णय घेतला. यामुळे दक्षिण आफ्रिकेटी टीम पुन्हा फलंदाजीसाठी मैदानात उतरले आहेत. भारताकडून यशस्वी जयस्वालने सर्वाधिक ५८ रन्स केले, तर सुंदरने ४८ रन्स केले. याशिवाय इतर फलंदाज कामगिरी करू शकले नाहीत.

केएल राहुलने २२ रन्स, साई सुदर्शनने १५ रन्स, कर्णधार ऋषभ पंतने सात रन्स, रवींद्र जडेजा सहा रन्स आणि नितीश रेड्डीने १० रन्स केले आहेत. ९५ धावांवर एक विकेट बाद झाल्यानंतर भारताने १२२ रन्सपर्यंत पोहोचण्यापूर्वी सात विकेट गमावल्या. ध्रुव जुरेलला या डावात भोपळाही फोडता आला नाही.

सुंदर-कुलदीपचा पार्टनरशिप

सुंदरने कुलदीप यादवसोबत ७२ रन्सची भागीदारी केली. सुंदरच्या बाद झाल्यामुळे टीमची धावसंख्या २०१ पर्यंत पोहोचण्यास मदत मिळाली आहे. कुलदीप १९ धावांवर बाद झाला, तर बुमराह पाच धावांवर बाद झाला. दक्षिण आफ्रिकेकडून जानसेनने सहा, तर सायमन हार्मरने तीन विकेट्स घेतले.