Common Wealth Games2022 : बॅडमिंटनपूट पीव्ही सिंधूने (PV Sindhu) महिला एकेरीत अंतिम फेरीत कॅनडाच्या मिशेल लीचा (Michelle Li) (२१-१५, २१-१३) असा पराभव करत राष्ट्रकुल क्रीडा स्पर्धेत सुवर्ण कामगिरी केली आहे. राष्ट्रकुल स्पर्धेत सिंधूनं पहिल्यांदाच सुवर्णपदक पटकाविलं आहे. सिंधूच्या विजयानंतर देशाच्या क्रीडा क्षेेत्रात उत्साहाचे वातावरण निर्माण झाले आहे. (PV Sindhu Trending News)

पीव्ही सिंधूने राष्ट्रकुल स्पर्धेत प्रथमच सुवर्णपदक जिंकले आहे. यापूर्वी तिने राष्ट्रकुल स्पर्धेत रौप्य आणि कांस्यपदक जिंकले हाेते. आज सिंधूनं सुवर्ण कामगिरी करुन देशवासियांचं मन जिंकलं. (सन 2018) राष्ट्रकुलमध्ये सिंधूने मिश्र सांघिक स्पर्धेत सुवर्णपदक जिंकलं होतं. त्याचबरोबर मिश्र संघानं यंदा राैप्यपदक पटकाविलं.

पुरुष एकेरीच्या अंतिम फेरीत लक्ष्य सेनचा सामन्यास प्रारंभ झाला आहे. सेनचा सामना मलेशियाचा शटलर त्जे योंग एनजीशी होत आहे. लक्ष्य सेनच्या कामगिरीवर देशवासियांचे लक्ष लागून राहिलं आहे.

Edited By : Siddharth Latkar