Ind Vs Srilanka ODI Siries: टी ट्वेंटी मालिकेत श्रीलंकेला धुळ चारल्यानंतर भारतीय संघ आता एकदिवसीय सामन्यांसाठी सज्ज झाला आहे. भारत आणि श्रीलंका यांच्यातील पहिला वनडे सामना राजकोटमध्ये होणार आहे. या सामन्यासाठी कर्णधार रोहित शर्माही गुवाहाटीमध्ये दाखल झाला आहे.

तीन एकदिवसीय सामन्यांच्या मालिकेला सुरूवात होण्याआधी कर्णधार रोहित शर्माला (Rohit Sharma) हॉटेलमध्ये पोहोचताच खास गिफ्ट मिळाले आहे.

याबाबत अधिक माहिती अशी की, तीन एकदिवसीय सामन्यांच्या मालिकेसाठी भारतीय संघ गुवाहाटीमध्ये दाखल झाला आहे. यावेळी कर्णधार रोहित शर्माच्या एका चाहत्याने त्याला मोठे गिफ्ट दिले आहे. ज्याचा व्हिडिओ सध्या सोशल मीडियावर तुफान व्हायरल होत आहे. रोहितच्या या चाहत्याने त्याला हाताने तयार केलेले सुंदर स्केच गिफ्ट केले आहे. यामध्ये रोहित शर्माचा फोटो पाहायला मिळत आहे.

महत्वाचे म्हणजे गुवाहाटीमध्ये आत्तापर्यंत रोहित शर्माने एकच सामना खेळला आहे. या एका सामन्यात त्याने झंझावती शतक ठोकले आहे. २०१८ मध्ये रोहितने वेस्टइंडिजविरुद्ध हा सामना खेळला होता. या सामन्यात रोहितने ११७ चेंडूत १५२ धावा कुटल्या होत्या.

श्रीलंकेविरुद्ध रोहितचे रेकॉर्ड: रोहित शर्माचे श्रीलंकेविरुद्धची (Srilanka) कामगिरी जबरदस्त आहे. ज्यामध्ये त्याने लंकेविरुद्ध खेळलेल्या ४५ डावांत १६६५ धावा केल्या आहेत. त्याचबरोबर त्याची २६४ धावांची क्रिकेटमधील विक्रमी खेळीही त्याने श्रीलंकेविरुद्धच खेळली आहे. भारत आणि श्रीलंका यांच्यातील पहिला एकदिवसीय सामना १० जानेवारीला होणार आहे.