Crime News: पत्‍नीच्‍या चारित्र्यावर बोलल्‍याने झाला वाद; गोळ्या झाडून केली हत्या

नागपूर : नागपूरच्या हिंगणा भागातील श्रीकृष्णनगरात गोळ्या झाडून एकाची हत्या (Crime News) करण्यात आली. पत्नीच्या चारित्र्यबद्दल बोलल्याने झालेल्या वादातून आरोपीने तीन ते चार साथीदारांच्या मदतीने अविनाश अशोक घुमडेवर दोन गोळ्या झाडून हत्या केली. रात्री ११ वाजताच्या दरम्यान ही घटना घडली आहे. (Breaking Marathi News)

अविनाश अशोक घुमडे असे हत्या झालेल्या इसमाचे नाव आहे. तर दीपक घनचक्कर उर्फ खट्या असे आरोपीचे नाव आहे. मृतक आणि आरोपी दोन्ही गुन्हेगारी प्रवृत्तीचे आहेत. अवैध जुगार आणि गांजाची विक्री करायचे. मात्र आरोपीच्या पत्नीच्या चारित्र्यबद्दल बोलल्याने झालेल्या वादातून आरोपीने तीन ते चार साथीदारांच्या मदतीने अविनाश घुमडेवर दोन गोळ्या झाडून हत्या केली.

नऊ दिवसात चार हत्‍या

घटेनची माहिती समजताच हिंगणा पोलिसांनी घटनास्थळ गाठून मृतदेह उत्तरीय तपासणीसाठी पाठवला. तसेच सदर घटनेचा तपास सुरू केला आहे. नागपुरात नवीन वर्षाच्या 9 दिवसात चार हत्येच्या घटना घडल्या. त्यामुळे नवीन वर्षात गुन्हेगारी डोकं वर काढत आहे का ? असे अनेक प्रश्न निर्माण होताना दिसून येत आहे