ज्या क्षणाची सर्वच क्रिकेट चाहते आतुरतेने वाट पाहत होते, तो क्षण अखेर आला आहे. भारत आणि पाकिस्तान या दोन्ही संघांमध्ये रोमांचक सामना सुरू आहे. अहमदाबादच्या नरेंद्र मोदी स्टेडियमवर सुरू असलेल्या या हाय व्हॉल्टेज सामन्यात भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला आहे. तर पाकिस्तानचा संघ फलंदाजी करताना दिसून येणार आहे.
शुभमन गिलचं संघात कमबॅक..
या सामन्यासाठी शुभमन गिलला भारतीय संघात स्थान देण्यात आलं आहे. ही भारतीय संघासाठी समाधानकारक बाब आहे. गेल्या २ सामन्यांमध्ये तो खेळू शकला नव्हता. ऑस्ट्रेलियाविरूद्धच्या सामन्यापूर्वी शुभमन गिलला डेंग्यूची लागण झाली होती.
त्यामुळे तो ऑस्ट्रेलिया आणि अफगाणिस्तानविरूद्धच्या सामन्यात खेळताना दिसून आला नव्हता. त्याच्याऐवजी ईशान किशनला संधी दिली गेली होती. पाकिस्ताविरूद्धच्या सामन्यात ईशान किशनला प्लेइंग ११ मधून बाहेर करण्यात आलं आहे. तर त्याच्याऐवजी गिल खेळताना दिसून येणार आहे.
या सामन्यासाठी अशी आहे दोन्ही संघांची प्लेइंग ११:
भारतीय संघ: रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पंड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज
पाकिस्तान संघ:
अब्दुल्ला शफीक, इमाम-उल-हक, बाबर आझम (कर्णधार), मोहम्मद रिझवान (यष्टीरक्षक), सौद शकील, इफ्तिखार अहमद, शादाब खान, मोहम्मद नवाज, हसन अली, शाहीन आफ्रिदी, हरिस रउफ
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.