Michael Vaughan On Shoaib Bashir:

इंग्लंडचा संघ सध्या भारत दौऱ्यावर आहे. दोन्ही संघांमध्ये ५ कसोटी सामन्यांची मालिका सुरू आहे. या मालिकेत इंग्लंडचा संघ १-३ ने पिछाडीवर आहे. भारतातील खेळपट्ट्या फिरकी गोलंदाजीसाठी पोषक असल्याने दोन्ही संघातील खेळाडूंनी आपले सर्वोत्तम फिरकीपटू मैदानात उतरवले आहेत.

इंग्लंडकडून शोएब बशीरला प्लेइंग ११ मध्ये स्थान दिलं जात आहे. इंग्लडच्या माजी खेळाडूचं म्हणणं आहे की, युवा गोलंदाज शोएब बशीर हा भविष्यात आर अश्विनसारखा यशस्वी गोलंदाज बनू शकतो.

भारताचा स्टार गोलंदाज आर अश्विन हा कसोटी क्रिकेटमधील दिग्गद गोलंदाजांपैकी एक आहे. मालिकेतील तिसऱ्या कसोटी सामन्यात त्याने कसोटी क्रिकेटमध्ये ५०० गडी बाद करण्याचा कारनामा केला होता. असा कारनामा करणारा तो दुसराच भारतीय गोलंदाज ठरला होता.

धरमशालेत होणारा सामना हा त्याच्या कसोटी कारकिर्दीतील १०० वा सामना असणार आहे. इंग्लंडचा दिग्गज खेळाडू मायकल वॉन आपल्या युट्यूब चॅनेलवर बोलताना म्हणाला की,' आम्हाला आणखी एक जागतिक दर्जाचा स्टार खेळाडू मिळाला आहे. त्याचं नाव आहे शोएब बशीर. दुसऱ्या कसोटीत त्याने ८ गडी बाद केले. तो नवीन आर अश्विन आहे, जो आम्ही शोधून काढला आहे.' (Cricket news in marathi)

भारतीय संघाने ५ कसोटी सामन्यांच्या मालिकेत ३-१ ने आघाडी घेतली आहे. मात्र मायकल वॉनला खात्री आहे की, इंग्लंडचा संघ धरमशाला कसोटीत दमदार कमबॅक करेल. मायकल वॉनचं म्हणणं आहे की, धरमशालेतील वातावरण थंड असेल आणि हे इंग्लिश खेळाडूंसाठी पोषक असेल. त्यामुळे इंग्लंडचा संघ जिंकू शकतो.

भारत- इंग्लंड कसोटी मालिकेत आर अश्विनची दमदार कामगिरी..

भारताचा स्टार आर अश्विनने या मालिकेतील चारही सामन्यांमध्ये अप्रितम गोलंदाजी केली आहे. त्याने ४ सामन्यांमध्ये १७ गडी बाद केले आहेत. तर इंग्लंडचा युवा फिरकी गोलंदाज शोएब बशीरने १२ गडी बाद केले आहेत. आर अश्विनच्या कसोटी कारकिर्दीबद्दल बोलायचं झालं तर त्याने ९९ कसोटी सामन्यांमध्ये ५०७ गडी बाद केले आहेत.