भारतीय संघाने टी -२० वर्ल्डकप २०२४ स्पर्धेत आतापर्यंत दमदार कामगिरी केली आहे. साखळी फेरीतील ४ पैकी ३ सामने जिंकून भारतीय संघाने सुपर ८ मध्ये प्रवेश केला. त्यानंतर सुपर ८ फेरीतील पहिल्या सामन्यात भारतीय संघाने अफगाणिस्तानचा पराभव केला. आता दुसऱ्या सामन्यात भारतीय संघ बांगलादेशविरुद्ध २ हात करण्यासाठी मैदानात उतरणार आहे. दरम्यान कसा राहिलाय दोन्ही संघांचा हेड टू हेड रेकॉर्ड आणि कसं असेल हवामान? जाणून घ्या.
भारत आणि बांगलादेश यांचा हेड टू हेड रेकॉर्ड पाहिला तर भारतीय संघाचं पारडं जड राहिल्याचं पाहायला मिळालं आहे. आतापर्यंत दोन्ही संघ १३ वेळेस आमनेसामने आले आहेत. यादरम्यान भारतीय संघाने १३ सामन्यांमध्ये बाजी मारली आहे. तर केवळ १ सामन्यात भारतीय संघाला विजय मिळवता आला आहे. टी -२० वर्ल्डकप स्पर्धेतील रेकॉर्ड पाहिला तर, दोन्ही संघ ४ वेळेस आमनेसामने आले आहेत. या चारही सामन्यांमध्ये भारतीय संघाने बांगलादेशला धूळ चारली आहे.
भारत आणि बांगलादेश यांच्यात होणारा सामना हा अँटीग्वातील सर विवियन रिचर्ड्स स्टेडियमवर रंगणार आहे. सुरुवातीच्या काही षटकांमध्ये ही खेळपट्टी वेगवान गोलंदाजांसाठी फायदेशीर ठरते. यासह फलंदाजांनाही मदत उपलब्ध असते. मात्र सामना जसजसा पुढे जाईल, तशी खेळपट्टी स्लो होत जाईल. त्यामुळे नाणेफेक जिंकणारा संघ प्रथम फलंदाजी करण्याचा निर्णय घेऊ शकतो. कारण दुसऱ्या डावात धावांचा पाठलाग करणं कठीण होऊन जाईल.
रोहित शर्मा (कर्णधार), रिषभ पंत (यष्टिरक्षक), विराट कोहली, सूर्यकुमार यादव, संजू सॅमसन, हार्दिक पंड्या (उपकर्णधार), रविंद्र जडेजा, अक्षर पटेल, कुलदीप यादव, जसप्रीत बुमराह आणि अर्शदीप सिंग.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.