IND vs NZ 1st Test saam tv
Sports

IND vs NZ 1st Test: भारताने न्यूझीलंडला विजयासाठी दिलं मोठं आव्हान, २३३ धावांची आघाडी; शेवटच्या दिवशी किवींचं काय होणार?

New Zealand Test Match Score: भारत आणि न्यूझीलंड यांच्यातील पहिल्या टेस्टचा थरार शेवटच्या दिवसापर्यंत पोहोचला आहे. चौथ्या दिवसअखेर न्यूझीलंड २३३ रन्सने पिछाडीवर आहे. भारताला विजयासाठी आठ विकेट्स घ्याव्या लागणार असून, न्यूझीलंडसमोर सामना अनिर्णित राखण्याचे आव्हान आहे.

Surabhi Jayashree Jagdish

भारत आणि न्यूझीलंड यांच्यात वेलिंग्टनमध्ये सुरू असलेला दोन सामन्यांच्या टेस्ट सिरीजमधील पहिला सामना आता रोमांचक वळणावर आलाय. चौथ्या दिवसाचा खेळ संपला तेव्हा न्यूझीलंडने दुसऱ्या डावात २ विकेट्स गमावून ११९ रन्स केले. पहिल्या डावातील ३५२ रन्सच्या पिछाडीनंतरही न्यूझीलंडची टीम भारतापेक्षा २३३ रन्सने मागे आहे. त्यामुळे आता पाचव्या आणि शेवटच्या दिवशी भारतीय टीमला विजयासाठी ८ विकेट्स घ्याव्या लागणार आहेत. तर दुसरीकडे न्यूझीलंडची टीम संपूर्ण दिवस फलंदाजी करून सामना अनिर्णित राखण्याचा प्रयत्न करणार आहे.

राहुल, पंत आणि जुरेलची शानदार फलंदाजी

या सामन्यात न्यूझीलंडने प्रथम फलंदाजी करताना पहिल्या डावात १२१ ओव्हर्समध्ये सर्वबाद ३६८ रन्स केले. त्यानंतर फलंदाजीसाठी उतरलेल्या भारतीय फलंदाजांनी दमदार खेळ केला. चौथ्या दिवसाच्या खेळात भारताने ९ विकेट्स गमावून ७२० रन्सवर पहिला डाव घोषित केला. त्यामुळे भारताला पहिल्या डावात ३५२ रन्सची मोठी आघाडी मिळाली.

भारताकडून ओपनिंग केएल राहुलने १३६ रन्सची खेळी केली. तर विकेटकीपर फलंदाज ऋषभ पंतने आक्रमक फलंदाजी करत १५३ चेंडूंत १२८ रन्स केले. त्याला ध्रुव जुरेलनेही चांगली साथ दिली. जुरेलने ७८ रन्सची महत्त्वाची खेळी केली. या तिघांच्या दमदार फलंदाजीमुळे भारताला मोठा स्कोर उभारता आला.

पाचव्या दिवशी भारताला ८ विकेट्स घ्याव्या लागणार

पहिल्या डावात ३५२ रन्सने पिछाडीवर पडल्यानंतर न्यूझीलंडची टीम दुसऱ्या डावात फलंदाजीसाठी उतरली. पण त्यांची सुरुवात फारशी चांगली झाली नाही. चौथ्या दिवसाचा खेळ संपेपर्यंत न्यूझीलंडने ११९ रन्सवर २ विकेट्स गमावल्या होत्या. अजूनही हा टीम भारतापेक्षा २३३ रन्सने मागे आहे.

आता सामन्याचा निकाल पाचव्या दिवसाच्या खेळावर अवलंबून असणार आहे. टीम इंडियाला लवकरात लवकर विकेट्स घेऊन सामना जिंकायचा आहे. न्यूझीलंडच्या फलंदाजांना जास्त रन्स करण्याची संधी न देता त्यांचा आलआऊट करण्याचा भारताचा प्रयत्न असणार आहे. पाचव्या दिवशी सुरुवातीच्या सेशनमध्ये भारतीय गोलंदाजांनी विकेट्स घेतल्या तर भारताला मोठा विजय मिळवण्याची संधी आहे.

क्रीजवर टिकून राहण्याचं किवींसमोर आव्हान

न्यूझीलंडच्या फलंदाजांसमोर संपूर्ण दिवस खेळपट्टीवर टिकून राहण्याचं आव्हान असणार आहे. जास्तीत जास्त वेळ फलंदाजी करून सामना ड्रॉ करण्याचा प्रयत्न असणार आहे. त्यामुळे पाचव्या दिवशी काय निकाल लागणार याकडे सर्वांचं लक्ष असतं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

धुळ्यावर शोककळा! देवदर्शनावरून परतताना पवार कुटुंबावर काळाचा घाला; भीषण अपघातात ९ जणांचा मृत्यू

Gajar Halwa Recipe : हिवाळ्यात गाजरांपासून बनवा चमचमीत हलवा; चव इतकी अप्रतिम की पुन्हा पुन्हा खाल!

Maharashtra News Live Update: बारामतीत काल सायंकाळी उद्योजकाच्या वाहनावर झाला होता गोळीबार

BJP OBC Morcha : भाजप ओबीसी मोर्चाची राष्ट्रीय कार्यकारिणी जाहीर; महाराष्ट्रातील चौघांना संधी

EPFO SWP Plan : EPFO चा मोठा दिलासा! रिटायरमेंटनंतर दर महिन्याला मिळणार 'पगार'; SWP प्लॅनमुळे PF चे पैसे काढणेही सोपे

SCROLL FOR NEXT