भारत आणि ऑस्ट्रेलिया यांच्यातील पाच सामन्यांच्या टी२० सिरीजमधील चौथा सामना गुरुवारी क्वीन्सलँडमधील कॅरेरा ओव्हलमध्ये खेळवला जातोय. टीम इंडिया या सिरीजमध्ये २-१ अशी आघाडी घेण्याचा प्रयत्न करणार आहे. तिसऱ्या टी-२० सामन्यात टीम इंडियाने टॉस जिंकला होता. मात्र या सामन्यात पुन्हा एकदा भारताने टॉस गमावला आहे. ऑस्ट्रेलियाचा कर्णधार मिचेल मार्शने टॉस जिंकून प्रथम गोलंदाजी करण्याचा निर्णय घेतला.

ऑस्ट्रेलियाच्या टीममध्ये ४ मोठे बदल

चौथा टी-२० सामना जिंकण्याचा ऑस्ट्रेलिया टीमचाही निर्धार असणार आहे. यावेळी ऑस्ट्रेलियाच्या टीमने ४ मोठे बदल केले आहेत. यावेळी अॅडम झॅम्पा, ग्लेन मॅक्सवेल, बेन द्वारशुइस आणि जोश फिलिप यांचा टीममध्ये समावेश करण्यात आला आहे. तर टीम इंडियामध्ये कोणतेही बदल करण्यात आलेले नाहीत.

सिरीज १-१ अशी बरोबरीत

या सिरीजमधील पहिला सामना पावसामुळे रद्द झाला होता. हा सामना कॅनबैरामध्ये खेळवण्यात आला होता. त्यानंतर मेलबर्नमध्ये झालेला दुसरा सामना ऑस्ट्रेलियाने जिंकला आणि त्यानंतर तिसरा सामना टीम इंडियाने ५ विकेट्सने जिंकला.

कशी आहे दोन्ही टीमची प्लेईंग ११

ऑस्ट्रेलिया: मिचेल मार्श (कर्णधार), मॅथ्यू शॉर्ट, जोश इंग्लिस (विकेटकीपर), टीम डेव्हिड, जोश फिलिप, मार्कस स्टोइनिस, ग्लेन मॅक्सवेल, बेन द्वारशुइस, झेवियर बार्टलेट, नॅथन एलिस, अॅडम झॅम्पा.

भारत: अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, अक्षर पटेल, वॉशिंग्टन सुंदर, जितेश शर्मा (विकेटकीपर), शिवम दुबे, अर्शदीप सिंग, वरुण चक्रवर्ती, जसप्रीत बुमराह.