IND W vs BAN W  Saamtv
Sports

IND W vs BAN W: स्टंपवर बॅट फेकली; अंपायरशीही भांडली.. एका निर्णयामुळे कॅप्टन हरमनप्रीत कौरचा संताप; नेमकं काय घडलं?

Harmanpreet Kaur India vs Bangladesh: कर्णधार हरमनप्रीत कौरच्या विकेटमुळे चांगलाच गोंधळ झाला. यावेळी हरमनप्रीतचाही रुद्रावतार पाहायला मिळाला.

Gangappa Pujari

IND W vs BAN W Match: महिला क्रिकेटमध्ये सध्या भारतीय महिला संघ आणि बांगलादेशच्या संघात वन डे मालिकेतील अखेरचा सामना खेळवला जात आहे. मालिकेतील पहिला सामना जिंकून बांगलादेश संघाने विजयी सलामी दिली होती. तर दुसऱ्या सामन्यात विजय मिळवून भारताने १-१ अशी बरोबरी साधली.

या सामनादरम्यान, कर्णधार हरमनप्रीत कौरच्या विकेटमुळे चांगलाच गोंधळ झाल्याचे पाहायला मिळले. यावेळी हरमनप्रीतचाही रुद्रावतार पाहायला मिळाला. नेमकं मैदानावर काय घडलं; जाणून घ्या सविस्तर..

सामन्यामध्ये बांगलादेशने (Bangladesh) प्रथम फलंदाजी करताना निर्धारित ५० षटकांत ४ बाद २२५ धावा केल्या. २२६ धावांच्या आव्हानाचा पाठलाग करताना भारताकडून स्मृती मानधना (Smruti Mandhana) आणि हरलीन देओल (Harleen Deol) यांनी अर्धशतकी खेळी केली. मात्र हरमनप्रीतच्या विकेटने सर्वांचे लक्ष वेधले. स्वीप मारण्याच्या प्रयत्नात असलेली हरमन फसली अन् बांगलादेशी खेळाडूंनी विकेटसाठी अपील केली.

खरं तर स्लिपमध्ये झेलचा दावा केला त्यासाठी अपील केली गेली. मात्र, अम्पायरने तिला LBW बाद घोषित करताच हरमनचा राग अनावर झाला. यावेळी रागात तिने बॅटही विकेटवर आपटली, त्यामुळे एक स्टंप पडला. इतकंच नाही तर हरमनप्रीत कौर परतताना अंपायरवर रागावतानाही दिसली.

सामन्यानंतरही हरमनप्रीतने (Harmanpreet Kaur) आपली नाराजी व्यक्त केली. "मला वाटते की या सामन्यातून आम्हाला खूप काही शिकायला मिळाले. क्रिकेटशिवाय इथे अम्पायरिंगचा हा प्रकार पाहून मी थक्क झाले. जेव्हा आम्ही पुढच्या वेळी येऊ तेव्हा आम्ही अशा प्रकारच्या अम्पायरिंगसाठी आधीच तयार असू. मी या आधीही सांगितले होते की, इथे अत्यंत खराब अम्पायरिंग आहे. काही निर्णयांमुळे मी दुखावले आहे." असे ती यावेळी म्हणाली. (Latest Marathi News)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Beed Shocking : तरुण डॉक्टरची इंजेक्शन घेऊन आत्महत्या; बीडमध्ये खळबळ

Nashik Honey Trap : नाशिक हनी ट्रॅप प्रकरणाची व्याप्ती वाढली; ७२ वरिष्ठ अधिकाऱ्यांसह डॉक्टर्स, व्यावसायिक अडकले

Maharashtra Live News Update: परभणी शहरासह जिल्ह्यात जोरदार पाऊस

Konkan Railway: गणेश भक्तांच्या सोयीसाठी कोकण रेल्वेची खास रो-रो सुविधा; जाणून घ्या संपूर्ण माहिती

Green Coffee : ग्रीन कॉफीने २ महिन्यात १७ किलो वजन झाले कमी, क्रिकेटपटू सरफराज खानने दिल्या सिक्रेट टिप्स

SCROLL FOR NEXT