भारतीय क्रिकेट नियामक मंडळाने मंगळवारी श्रीलंकेविरुद्धच्या दुसऱ्या कसोटीसाठी भारतीय संघाची (IND vs SL Second Test Match) घोषणा केली. संघात फक्त एक बदल करण्यात आला आहे. कुलदीप यादवच्या जागी अक्षर पटेलचा (Axar Patel) संधी देण्यात आली आहे. अक्षर झालेल्या दुखापतीतून सावरत होता ज्यामुळे त्याला दक्षिण आफ्रिका दौरा आणि वेस्ट इंडिजविरुद्धच्या T20 मालिकेतून बाहेर पडावे लागले होते. तोही नुकताच कोरोना पॉझिटिव्ह आढळला होता.

बीसीसीआयने (BCCI) दिली माहिती

मंगळवारी एका प्रसिद्धीपत्रकात, बीसीसीआयने सांगितले की, "भारतीय संघाच्या निवड समितीने 12-16 मार्च दरम्यान बेंगळुरू येथे खेळल्या जाणाऱ्या दुसऱ्या पेटीएम कसोटीसाठी भारताच्या संघात अक्षर पटेलचा समावेश केला आहे. या अष्टपैलू खेळाडूने संघात पुनरागमण केले आहे आणि त्याला बीसीसीआयच्या वैद्यकीय पथकाने मंजुरी दिली आहे. हा सामना 12 मार्चपासून बेंगळुरूमध्ये सुरू होणार आहे. या मालिकेतील पहिला कसोटी सामना भारताने एक डाव आणि 222 धावांनी जिंकला होता.

दुसऱ्या कसोटीसाठी भारतीय संघ

रोहित शर्मा (कर्णधार), प्रियांक पांचाळ, मयंक अग्रवाल, विराट कोहली, श्रेयस अय्यर, हनुमा विहारी, शुभमन गिल, ऋषभ पंत (विकेटकीपर), केएस भरत, रवींद्र जडेजा, जयंत यादव, आर अश्विन, सौरभ कुमार, मोहम्मद सिराज, उमेश यादव , मोहम्मद शमी, जसप्रीत बुमराह (उपकर्णधार), अक्षर पटेल.

भारताने श्रीलंकेविरुद्धची पहिली कसोटी अवघ्या तीन दिवसांत जिंकली. मात्र बुधवारपर्यंत संघ मोहालीतच राहणार आहे. त्यानंतर दोन्ही संघ बंगळुरूला रवाना होतील. मालिकेतील शेवटचा कसोटी सामना 13 मार्चपासून येथे खेळवला जाणार आहे. हा सामना डे-नाईट असणार आहे. दरम्यान, संघ व्यवस्थापनाने इतर फलंदाजी प्रशिक्षक अपूर्व देसाई, प्रशिक्षक आनंद दाते आणि फिजिओ पार्थो यांनाही सोडले आहे. साईराज बहुलेला संघात कायम ठेवण्यात आले आहे.

Edited By: Pravin Dhamale