बारबाडोसच्या मैदानावर भारत आणि दक्षिण आफ्रिका या दोन्ही संघांमध्ये आयसीसी टी-२० वर्ल्डकप २०२४ स्पर्धेतील फायनलचा सामना सुरु आहे. या दोन्ही संघांमध्ये सुरु असलेल्या सामन्यात भारतीय संघाने टॉस जिंकला आणि दक्षिण आफ्रिकेला प्रथम गोलंदाजी करण्याचं आमंत्रण दिलं. भारतीय संघाकडून फलंदाजी करताना अक्षर पटेल आणि विराट कोहलीने दक्षिण आफ्रिकेच्या गोलंदाजांचा चांगला समाचार घेतला. दरम्यान दोघांनी मिळून एक मोठा रेकॉर्ड आपल्या नावावर केला आहे.

भारतीय संघाने या सामन्यात नाणेफेक जिंकला आणि प्रथम फलंदाजी करण्याचा निर्णय घेतला. हा निर्णय विराटने तर सार्थ ठरवला. मात्र दुसऱ्या बाजूने भारतीय संघाला लागोपाठ ३ मोठे धक्के बसले. केशव महाराजने दुसऱ्याच षटकात रोहितला बाद करत माघारी धाडलं. त्यानंतर रिषभ पंतही याच चेंडूवर बाद होऊन माघारी परतला. सूर्यकुमार यादवलाही या सामन्यात मोठी खेळी करता आली नाही. मात्र त्यानंतर विराट कोहली आणि अक्षर पटेलने संघाचा गाडा पुढे नेला आणि विक्रमी भागीदारी केली.

विराट- अक्षरची विक्रमी भागीदारी

या सामन्यात विराट कोहली आणि अक्षर पटेलने दक्षिण आफ्रिकेच्या गोलंदाजांची चांगलीच धुलाई केली. दोघांनी मिळून ७२ धावांची भागीदारी केली. भारतीय संघाने ३४ धावांवर ३ फलंदाज गमावले होते. या दोघांनी मिळून गौतम गंभीर आणि युवराज सिंगचा रेकॉर्ड मोडून काढला आहे. या डावात अक्षर पटेलने ३१ चेंडूंचा सामना करत ४७ धावांची खेळी केली. तर विराट कोहली ७६ धावा करत माघारी परतला.

भारतीय संघाने केल्या १७६ धावा

या सामन्यात भारतीय संघाने नाणेफेक जिंकत प्रथम फलंदाजी करण्याचा निर्णय घेतला. भारतीय संघाकडून प्रथम फलंदाजी करताना रोहित शर्मा ९ तर रिषभ पंत शून्यावर माघारी परतला. त्यानंतर सूर्या ३ धावा करत माघारी परतला. त्यानंतर विराट कोहली आणि अक्षर पटेलने भारतीय संघाचा डाव सांभाळला. अक्षर पटेलने ४७ आणि विराट कोहलीने ७६ धावांची खेळी केली. शेवटी शिवम दुबेने२७ आणि हार्दिक पंड्याने ५ धावा केल्या.