टी-२० वर्ल्डकपमध्ये भारत आणि पाकिस्तानची भिडत होणार आहे. मात्र त्याआधी भारतीय क्रिकेट चाहत्यांना खूश करणारी बातमी हाती आली आहे. बँकॉकमध्ये भारत-पाकिस्तानचा हायव्होल्टेज सामना झाला. या सामन्यात भारतीय संघाने पाकिस्तानचा ८ गडी राखून पराभव केलाय. हा सामना महिला रायझिंग स्टार्स आशिया कपमध्ये खेळला गेला. या सान्यात पाकिस्तानने नाणेफेक जिंकून प्रथम फलंदाजी करण्याचा निर्णय घेतला होता. भारत अ संघाच्या महिला गोलंदाजांनी पाकिस्तान अ संघाच्या फलंदाजीचं कंबरंड मोडलं.

भारतीय गोलंदाजांचा बेदक गोलंदाजीमुळे पाकिस्तान अ महिला संघाने पटापट विकेट गमावल्या. पाकिस्तान अ संघाच्या सलामी जोडीची फक्त दोन धावांची भागीदारी करता आली. पाकिस्तान अ संघाने १५ धावांवर दुसरा बळी गमावला. त्यानंतर पुढील १७ धावांमध्ये आणखी चार विकेट पडल्या. भारतीय संघाच्या गोलंदाजी इतकी जबरदस्त झाली की, पाकिस्तान अ महिला संघाच्या ६ फलंदाजांना फक्त ३२ धावा करता आल्या.

पाकिस्तानच्या अ संघाला साधी शंभरीचा आकाडाही पार करता आला नाही. २० षटकांच्या सामन्यात पाकिस्तनाचा संघ १८.५ षटकांत ९३ धावांवर सर्वबाद झाला. महिला रायझिंग स्टार्समध्ये पाकिस्तान अ संघाच्या फलंदाजांची अवस्था इतकी वाईट होती की त्यांच्या फक्त ३ फलंदाजांनाच दुहेरी धावसंख्या गाठता आली.

यात सलामीवीर शवाल झुल्फिकारच्या २३ धावा, गुल रुखने २१ धावा, तर अनुषा नसीरच्या १७ धावांचा समावेश आहे. दुसरीकडे भारत अ संघाकडून राधा यादव, प्रेमा रावत आणि सलमा ठाकोर यांनी प्रत्येकी दोन विकेट घेतल्या. मिनू मणी आणि जिंतीमणी कलिता यांनी प्रत्येकी एक विकेट घेतली. गोलंदाजांच्या दमदार कामगिरीनंतर, भारतीय फलंदाजांनीही आपली शानदार खेळी दाखवली. मात्र भारतीय संघाने पहिला विकेट शुन्य धावेवर बाद झाला. त्यानंतर भारताने पाकिस्तानला कोणतीही संधी दिली नाही. त्यांचा दुसरा बळी ७९ धावांवर पडला. भारताने ९४ धावांचे लक्ष्य १०.१ षटकात फक्त दोन गडी गमावून पूर्ण केले.