भारत आणि न्यूझीलंड यांच्यातील पाच सामन्यांच्या टी-२० मालिकेतील शेवटच्या सामन्यात इशान किशनला खेळण्याची संधी मिळाली. या सामन्यात इशान किशनने शानदार पुनरागमन केले. यष्टीरक्षक-फलंदाज इशान किशनने न्यूझीलंडविरुद्धच्या पाचव्या टी-२० सामन्यात ४२ चेंडूत शतक ठोकलं. टी२० क्रिकेट करिअरमधील हे त्याचे पहिले शतक आहे.

धावांचा वर्षाव करणाऱ्या इशान किशननं २८ चेंडूतच अर्धशतक केलं.अर्धशतक झाल्यानंतर त्याने झटक्यात पुढील ५० धावा केल्या. त्याने फक्त ४२ चेंडूत १०० धावांचा आकडा गाठला. म्हणजेच त्याने फक्त १४ चेंडूत ५० ते १०० धावा पूर्ण केल्या. न्यूझीलंडविरुद्ध टी२० मध्ये सर्वात जलद शतक करण्याचा विक्रमही त्याच्या नावावर आहे. इशानने ४३ चेंडूत १०३ धावा केल्या, यात ६ चौकार आणि १० षटकारांचा समावेश होता.

दरम्यान न्युझीलंड संघाकडून १२ षटक टाकणारा ईश सोधीची त्याने चांगलीच धुलाई केलीय. षटकाची सुरुवातच वाईडने झाली. त्यानंतर इशानने सलग तीन चौकार मारले. त्यानंतर त्याने चौथ्या चेंडूवर एक षटकार मारला. त्यानंतर पाचव्या चेंडूवर आणखी एक चौकार आणि शेवटच्या चेंडूवर षटकार मारला होता.

अशाप्रकारे त्याने ६ चेंडूत एकूण २९ धावा ठोकल्या होत्या. ज्यात ४ चौकार आणि २ षटकारांचा समावेश होता. या महागड्या षटकाने इश सोधीचा लाजिरवाणा विक्रमही झाला. टी२० मध्ये न्यूझीलंडने टाकलेला हा दुसरा सर्वात महागडा षटक होतं. मालिकेच्या मागील सामन्यात इश सोधीने आधीच एकदा एका षटकात २९ धावा दिल्या होत्या.