Jasprit Bumrah Yorker:

विशाखापट्टणम येथे होत असलेल्या कसोटीच्या दुसऱ्या दिवशी भारतीय संघाच्या फलंदाजांनी आणि गोलंदाजांनी दमदार कामिगरी केली. पहिल्या डावात भारताने ३९६ धावा केल्या. यशस्वी जयस्वालने २०९ धावांची खेळी केली. त्यानंतर भारतीय गोलंदाजांनीही चमकदार कामगिरी केली. यावेळी जसप्रीत बुमराह त्याच्या जबरदस्त फॉर्ममध्ये होता. त्याने इंग्लंडच्या ४ फलंदाजांना बळी बनवले आहे. बुमराहच्या ४ विकेटपैकी ऑली पोपची विकेट पाहण्यासारखी होती. बुमराहच्या घातक यॉर्करनं ऑली पोपची झोप उडवली. पोपच्या विकेटमुळे इंग्लंडच्या होप्स देखील बुडाल्या. (Latest News)

बुमराहच्या चेंडूने ऑली पोपच्या पायाचा नेम घेत त्रिफळा उडवला. बुमराहचा यॉर्कर इतका जबरदस्त होता की पोपला काही कळण्याआधी चेंडूने त्रिफळा उडवला होता. पोपने हैदराबाद कसोटी सामन्यात शतक ठेकलं होतं. त्याच्या या शतकी खेळीमुळे इंग्लंडने कसोटी सामना जिंकला होता. मात्र दुसऱ्या कसोटी सामन्यात बुमराहच्या यॉर्करने त्याचा बळी घेतला. यावेळी ऑली पोपला फक्त २३ धावा करता आल्या.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बुमराहने ५व्यांदा बळी घेतला

जसप्रीत बुमराहने १० कसोटी डावात ५व्यांदा ऑली पोपला आपला बळी बनवले आहे. ऑली पोपशिवाय बुमराहने इंग्लंडच्या पहिल्या डावात जो रूट, जॉनी बेअरस्टो, कर्णधार बेन स्टोक्स आणि टॉप हार्डली यांच्या विकेट घेतल्या आहेत. बुमराहने ३७ धावांत ५ विकेट्स घेतल्या. कसोटी क्रिकेटमध्ये बुमराहाने १० वेळेस ५ विकेट घेतल्या आहेत. या डावात कुलदीप यादवने ३ बळी घेतले. मुकेश कुमार आणि आर अश्विनच्या खात्यात एकही विकेट गेली नाहीये.