IPL 2023: चेन्नई सुपर किंग्ज हा आयपीएल २०२३ स्पर्धेच्या अंतिम फेरीत जाणारा पहिला संघ ठरला आहे. येत्या २८ मे रोजी चेन्नईचा संघ जेतेपद मिळवण्यासाठी मैदानात उतरणार आहे. मात्र चेन्नईला टक्कर देणारा संघ कोणता असेल याचा निकाल आज लागणार आहे.

आज गुजरात टायटन्स आणि मुंबई इंडियन्स हे दोन्ही संघ आमने सामने येणार आहेत. गुजरातला अंतिम फेरीत जाण्याची दुसरी संधी मिळाली आहे..

गुजरात टायटन्स संघाने साखळी फेरीतील सामन्यांमध्ये जोरदार कामगिरी केली होती. १४ पैकी १० सामने जिंकून २० गुणांसह हा संघ अव्वल स्थानी होता. क्वालिफायर १ च्या सामन्यात गुजरातचा सामना चेन्नई सुपर किंग्ज संघासोबत रंगला होता.

या सामन्यात गुजरात टायटन्स संघाला पराभवाचा सामना करावा लागला होता. या सामन्यात गुजरात टायटन्स संघाने एक मोठी चूक केली होती. हीच चूक जर आज होणाऱ्या सामन्यात केली तर,मुंबईचा संघ अंतिम फेरीत जाऊ शकतो.

बॅटिंग ऑर्डरमध्ये बदल..

क्वालिफायर सारख्या महत्वाच्या सामन्यात हार्दिक पंड्याने बॅटिंग ऑर्डरमध्ये बदल केला होता. गुजरात टायटन्स संघाने प्रथम फलंदाजी करताना २० षटक अखेर ७ गडी बाद १७२ धावा केल्या होत्या. या धावांचा पाठलाग करताना गुजरातचा डाव १५७ धावांवर संपुष्टात आला होता.

एका बाजूने शुभमन गिल डाव सावरत होता. त्यावेळी त्याला दुसऱ्या बाजूने सपोर्टची गरज होती. मात्र ऐनवेळी हार्दिक पंड्याने बॅटिंग ऑर्डरमध्ये बदल केला. (Latest sports updates)

विजय शंकरला थांबवलं..

तिसऱ्या क्रमांकावर विजय शंकर फलंदाजी करण्यासाठी येत होता. तो या संघातील दुसरा सर्वात यशस्वी फलंदाज आहे. त्याने ३०१ धावा केल्या आहेत. गेल्या सामन्यात त्याने अर्धशतक देखील झळकावले होते.

मात्र त्याच्याऐवजी स्वतः हार्दिक पंड्या फलंदाजीला आला. बॅटिंग ऑर्डरमध्ये बदल केल्यामुळे विजय शंकरला हवा तसा रिदम मिळाला नाही. त्यामुळे मॅचविनर विजय शंकर स्वस्तात माघारी परतला. हीच चूक जर गुजरातने मुंबई विरुध्द केली,तर नक्कीच मुंबई आणि चेन्नईचा अंतिम सामना पहायला मिळू शकतो.