आयपीएल २०२४ स्पर्धेत मुंबई इंडियन्स संघाचा प्रवास जवळजवळ संपला आहे. ५ वेळेस जेतेपद पटकावणाऱ्या हा संघ नेहमी टॉप ४ मध्ये असायचा. मात्र यावेळी हा संघ टॉप ४ मध्ये प्रवेश करू शकलेला नाही. दिल्ली कॅपिटल्स (Delhi Capitals) संघाविरुद्ध झालेल्या सामन्यात मुंबई इंडियन्स संघाला १० धावांनी पराभवाचा सामना करावा लागला आहे. या सामन्यात दिल्लीने २५७ धावा केल्या होत्या. या धावांचा पाठलाग करताना मुंबई इंडियन्स संघाला २४७ धावा करता आल्या.

सामन्यानंतर काय म्हणाला हार्दिक पंड्या?

या सामन्यातील पराभवानंतर कर्णधार हार्दिक पंड्या (Hardik Pandya) म्हणाला की, ' हा खेळ आता आणखी रोमांचक होऊ लागला आहे. कारण यापूर्वी दोन्ही संघांमध्ये काही षटकांचं अंतर असायचं. आता काही चेंडूंचं अंतर शिल्लक राहिलं आहे. '

या सामन्यात मुंबई इंडियन्स संघाला विजयासाठी २५८ धावांची गरज होती. या धावांचा पाठलाग करताना मुंबई इंडियन्स संघाकडून तिलक वर्माने ३२ चेंडूतं सर्वाधिक ६३ धावा केल्या. हार्दिक म्हणाला की, ' जर काही चुकलं असेल , तर मधल्या षटकांमध्ये रिस्क घेता येऊ शकली असती.' असं हार्दिक म्हणाला. (Hardik pandya statement)

मुंबई इंडियन्स संघाला या संपूर्ण हंगामात चांगली कामगिरी करता आलेली नाही. हार्दिक पंड्याच्या नेतृत्वाखाली खेळणाऱ्या या संघाने आतापर्यंत ९ सामने खेळले आहेत. यादरम्यान या संघाला केवळ ३ सामने जिंकता आले आहेत. तर ६ सामन्यांमध्ये पराभवाचा सामना करावा लागला आहे. या पराभवासह मुंबई इंडियन्स संघाच्या प्लेऑफमध्ये जाण्याचा मार्ग बंद झाला आहे.