सध्या आयपीएल सुरु असून क्रिकेटच्या मैदानावर वाद हे होतच असतात. मात्र आता वाद झालाय तो थेट कमेंट्री बॉक्समध्ये टीम इंडियाचा माजी फलंदाज आणि सध्याच्या आयपीएलमध्ये कमेंटेटर म्हणून काम करतोय. यामध्येच वीरेंद्र सेहवाग वादात सापडला आहे. यावेळी वीरेंद्र सेहवागने जाट समुदायाबद्दल अशी टिप्पणी केली होती, त्यानंतर चाहते सोशल मीडियावर त्याला प्रचंड ट्रोल करत आहेत.

आयपीएलशी संबंधित स्टार स्पोर्ट्स शोमध्ये वीरेंद्र सेहवागने जाट समुदायाबद्दल वादग्रस्त विधान केलं होतं, त्यानंतर चाहते सोशल मीडियावर त्याच्याकडून माफी मागण्याची मागणी करण्यात येतेय. सेहवागने जाट समाजाबद्दल म्हटलं की, भारतातील प्रत्येक भागातील जाट डोक्याने हुशार नसतात.

काय म्हणाला नेमकं सेहवाग?

स्टार स्पोर्ट्सच्या एका कार्यक्रमात वीरेंद्र सेहवाग म्हणाला होता की, "उत्तर प्रदेशातील जाट समुदायाची भाषा वेगळी आहे. यानंतर हरियाणातील जाट समुदायाची भाषा वेगळी आहे. राजस्थानातील जाट यांची भाषा वेगळी आहे... लेकिन सारे ही जाट दिमाग से पैदल होते हैं."

हे विधान केल्यानंतर वीरेंद्र सेहवाग हसायला लागतो पण सोशल मीडियावरील चाहत्यांना त्याचे विधान अजिबात आवडलं नाही. हा जाट समुदायाचा अपमान असल्याचं अनेकांचं म्हणणं आहे.

वीरेंद्र सेहवाग स्वतः देखील जाट समुदायातून येतो. पण जाट समाजाबाबत त्याच्या वादग्रस्त विधानामुळे सोशल मीडियावर खळबळ उडालीये. चाहते त्याला माफी मागण्यास सांगत असून, एका युझरने लिहिलंय की, जाट तुझ्या घरात घुसून तुला मारतील.

कसं आहे सेहवागचं क्रिकेट कारकिर्द?

वीरेंद्र सेहवागच्या क्रिकेट कारकिर्दीबद्दल बोलायचं झालं तर त्याने भारतासाठी ३५० हून अधिक आंतरराष्ट्रीय सामने खेळलेत. ज्यामध्ये त्याच्या नावावर १७००० पेक्षा जास्त रन्सचा विक्रम आहे. वीरेंद्र सेहवागनेही आयपीएलमध्ये १०४ सामने खेळलेत. तो पंजाब आणि दिल्लीसाठी आयपीएल खेळला आणि एकूण २७२८ रन्स केलेत.