डी गुकेशने गुरुवारी सर्वात तरुण जागतिक बुद्धिबळ चॅम्पियन बनून मोठा इतिहास रचला आहे. यावेळी गुकेशने गॅरी कास्पारोव्हचा विक्रम मोडला आणि विजेतेपद जिंकणारा पहिला तरूण खेळाडू बनला. गुकेशने वयाच्या १८ व्या वर्षी ही कामगिरी केली आहे. या ऐतिहासिक विजयानंतर गुकेशला आपले अश्रू आवरता आले नाहीत. या सामन्यानंतर गुकेशचा भावूक झाल्याचा व्हिडिओ सोशल मीडियावर व्हायरल होतोय.

गुकेशने मोडला विक्रम

गुकेशने गॅरी कास्पारोवचा विक्रम मोडला. गॅरीने 1985 मध्ये एनेटोली कार्पोव्हला पराभूत करून विक्रम केला होता. त्यावेळी गॅरी कास्पारोव्ह 22 वर्षांचा होता. यानंतर आता गुकेशने वयाच्या अवघ्या 18 व्या वर्षी हा किताब जिंकला आहे.

चीनची बादशाहत संपली

भारताच्या डी गुकेशने विजेतेपदाच्या लढतीत चीनच्या डिंग लिरेनचा ७.५-६.५ पॉईंट्सने पराभव केला. यासह गुकेश आता विश्वनाथन आनंदच्या स्पेशल क्लबमध्ये सामील झाला आहे. जागतिक बुद्धिबळ चॅम्पियनशिप जिंकणारा गुकेश हा विश्वनाथन आनंदनंतरचा दुसरा भारतीय ग्रँडमास्टर ठरलाय.

गुकेशला अश्रू अनावर

जागतिक बुद्धिबळ चॅम्पियनशिप जिंकल्यानंतर गुकेशला अश्रू अनावर झाले होते. जिंकल्याचा आनंद त्याच्यासाठी गगनात मावत नव्हता. याचा व्हिडीओ सध्या सोशल मीडियावर व्हायरल होत असून भारतीय त्याला शुभेच्छा देतायत.

डिंगच्या चुकीचा मिळाला फायदा

गुकेश काळ्या सोंगट्यांनी खेळत होता. डिंगला पराभूत केल्यानंतर गुकेश भावूक झाला आणि त्याला आपले अश्रू आवरता आले नाहीत. तो जिंकला हे त्याच्या नशिबावर विश्वास बसत नव्हता. ग्रँड फायनल टायब्रेकरच्या दिशेने जाईल असं वाटत असतानाच गुकेशने डिंगच्या चुकीचा फायदा घेतला. डिंग हा गतविश्व बुद्धिबळ चॅम्पियन आहे.