आयपीएल २०२४ स्पर्धेतील १७ वा सामना गुजरात टायटन्स आणि पंजाब किंग्ज या दोन्ही संघांमध्ये सुरु आहे. हा सामना अहमदाबादच्या नरेंद्र मोदी स्टेडियमवर सुरु आहे. या सामन्यात पंजाब किंग्ज संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या गुजरात टायटन्स संघाने २० षटकअखेर १९९ धावा केल्या आहेत.
या सामन्यात गुजरात टायटन्स संघाचा कर्णधार शिखर धवनने नाणफेक जिंकला आणि प्रथम गोलंदाजी करण्याचा निर्णय घेतला. गुजरात टायटन्स संघाकडून डावाची सुरुवात करण्यासाठी वृद्धिमान साहा आणि शुभमन गिलची जोडी मैदानावर आली होती. वृद्धिमान साहा ११ धावांवर बाद करत माघारी परतला. (Cricket news in marathi)
तर आपला पहिलाच सामना खेळत असलेल्या केन विलियन्सनने २२ चेंडूंचा सामना करत २६ धावांची खेळी केली. या सामन्यात कर्णधार शुभमन गिलला आपलं शतक पूर्ण करण्याची संधी होती. मात्र त्याचं शतकं ११ धावांनी हुकलं. तो ४८ चेंडूत ८९ धावा करत माघारी परतला. या खेळीदरम्यान त्याने ६ चौकार आणि ४ षटकार मारले. त्याला चांगली साथ देत राहुल तेवतियाने ३ चौकार आणि १ षटकाराच्या साहाय्याने ८ चेंडूत २३ धावांची खेळी केली.
पंजाब किंग्ज संघाकडून गोलंदाजी करताना कगिसो रबाडाने ४ षटकात ४४ धावा खर्च करत २ गडी बाद केले. तर हरप्रीत ब्रारने ३३ धावा खर्च करत १ गडी बाद केला आणि हर्षल पटेलने देखील ४४ धावा खर्च करत १ गडी बाद केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.