Suryakumar Yadav Comeback News:

आयपीएल २०२४ स्पर्धेतील २० व्या सामन्यात मुंबई इंडियन्स आणि दिल्ली कॅपिटल्स हे दोन्ही संघ आमने सामने आले होते.वानखेडे स्टेडियमवर झालेल्या या सामन्यात दिल्ली कॅपिटल्स संघाने टॉस जिंकला आणि प्रथम गोलंदाजी करण्याचा निर्णय घेतला. या सामन्यासाठी मुंबई इंडियन्स संघात काही बदल करण्यात आले होते. मुंबई इंडियन्स संघातून डेवाल्ड ब्रेविस,नमन धीर आणि रसिख सलामला बाहेर केलं आणि सूर्यकुमार यादवला संघात स्थान दिलं. रोमारीयो शेफर्ड आणि मोहम्मद नबीला देखील प्लेइंग ११ मध्ये स्थान दिलं.

सूर्यकुमार यादवचं कमबॅक..

गेले काही महिने संघाबाहेर असलेल्या सूर्यकुमार यादवने या सामन्यातून कमबॅक केलं आहे. दक्षिण आफ्रिका दौऱ्यावर असताना तो दुखापतग्रस्त झाला होता. त्यानंतर त्याच्या दुखापतीवर शस्त्रक्रिया देखील केली गेली होती. आता काही क्रिकेटच्या मैदानापासून दूर राहिल्यानंतर अखेर तो परतला आहे. या दुखापतीमुळे तो सुरुवातीचे ३ सामने खेळू शकला नव्हता. (Cricket news in marathi)

आयपीएल २०२३ स्पर्धेत धावांचा पाऊस..

सूर्यकुमार यादवने आयपीएल २०२३ स्पर्धेत धावांचा पाऊस पाडला होता. तो सुरुवातीच्या काही सामन्यांमध्ये फ्लॉप ठरला होता. त्यानंतर त्याने गोलंदाजांवर हल्लाबोल केला होता. स्पर्धेतील १६ सामन्यांमध्ये त्याने ६०५ धावा केल्या होत्या. दमदार खेळ करत त्याने संघाला प्लेऑफमध्ये पोहचवलं होतं. मात्र एलिमीनेटरच्या सामन्यात मुंबई इंडियन्स संघाला पराभवाचा सामना करावा लागला होता.

भारतीय संघासाठी आनंदाची बातमी..

सूर्यकुमार यादवचं कमबॅक ही भारतीय संघासाठी आनंदाची बाब आहे. कारण आयपीएल झाल्यानंतर भारतीय संघाला टी -२० वर्ल्डकप खेळायचा आहे. या स्पर्धेत सूर्यकुमार यादव अतिशय महत्वाचा फलंदाज असणार आहे. सध्या टी -२० क्रमवारीत तो अव्वल स्थानी आहे.