Salary Of BCCI Chief Selector: भारतीय संघाचा माजी खेळाडू अजित आगरकरला (Ajit Agarkar) बीसीसीआयकडून मोठी जबाबदारी मिळाली आहे. यापुढे तो चिफ सिलेक्टरची भूमिका पार बजावताना दिसून येणार आहे.

भारतीय संघ वेस्ट इंडिज संघाविरुद्ध दोन हात करताना दिसून येणार आहे. वनडे आणि कसोटी मालिकेसाठी भारतीय संघाची घोषणा करण्यात आली आहे. तर टी -२० मालिकेसाठी आता अजित आगरकर भारतीय संघाची निवड करणार आहे. (BCCI Chief Selector)

गेल्या काही दिवसांपासून अजित आगरकर हे नाव प्रचंड चर्चेत होतं. चिफ सिलेक्टर पदासाठी अजित आगरकर हा प्रबळ दावेदार मानला जात होता. यापूर्वी तो दिल्ली कॅपिटल्सच्या सपोर्ट स्टाफमध्ये होता. तो सहाय्यक गोलंदाजी प्रशिक्षकाची भूमिका पार पाडत होता. मात्र चिफ सिलेक्टरचं पद मिळणार असल्याने त्याने राजीनामा देण्याचा निर्णय घेतला होता. (Salary Of BCCI Chief Selector)

बीसीसीआयच्या चिफ सिलेक्टर पदासाठी अर्ज करण्याची शेवटची तारीख १ जून होती. या पदासाठी अजित आगरकरने देखील अर्ज केला होता. (Latest sports updates)

अशी राहिली आहे कारकीर्द..

अजित आगरकरने २६ कसोटी सामने खेळताना ५९ गडी बाद केले आहेत. तर १९१ वनडे सामने खेळताना २८८ गडी बाद केले आहेत. यासह ४ टी -२० आंतरराष्ट्रीय सामने खेळताना त्याने ३ गडी बाद केले आहेत. तर आयपीएल स्पर्धेत त्याने ४२ सामने खेळताना २९ फलंदाजांना माघारी धाडलं आहे.

गोलंदाजीसह फलंदाजीमध्ये देखील त्याने भारतीय संघासाठी मोलाचे योगदान दिले आहे. कसोटी क्रिकेटमध्ये त्याने १६.७९ च्या सरासरीने ५७१ धावा केल्या आहेत. तर १९१ वनडे सामन्यांमध्ये १४.५९ च्या सरासरीने १२६९ धावा केल्या आहेत.

अजित आगरकरचा कार्यकाळ ५ जुलैपासून सुरू होणार आहे. तो वेस्ट इंडिजविरुद्ध होणाऱ्या टी -२० मालिकेसाठी संघाची निवड करणार आहे.

त्यानंतर आशिया चषक, वनडे वर्ल्ड कप आणि टी -२० वर्ल्ड कपसाठी भारतीय संघाची निवड करण्याची जबाबदारी अजित आगरकरवर असणार आहे. तसेच या पदावर विराजमान होताच त्याला वर्षाला १ कोटी मानधन मिळणार आहे.