FIFA World Cup Prize Money: T20 विश्वचषक संपल्यानंतर आता फुटबॉल विश्वचषकाला उद्यापासून म्हणजेच 20 नोव्हेंबरपासून सुरू होत आहे. कतारमध्ये ही स्पर्धा पार पडणार आहे. या स्पर्धेचा अंतिम सामना 18 डिसेंबर रोजी होणार आहे. विश्वचषक स्पर्धेत एकूण 32 संघ सहभागी होत आहेत. त्यात आशिया खंडातील 6 संघ आहेत. (FIFA World Cup)

T20 विश्वचषक स्पर्धेत चॅम्पियन आणि उपविजेत्या संघांसह इतर सर्व संघांना बक्षीस रक्कम वितरित करण्यात आली आहे. पण फिफा विश्वचषकात आता जेतेपद आणि बक्षिसाच्या रकमेची चर्चा सुरु झाली आहे.  (Sports News)

क्रिकेट आणि फुटबॉल विश्वचषक जिंकणाऱ्या दोन्ही संघांना किती पैसे मिळतात हे जाणून घेण्यासाठी सगळेच उत्सुक आहेत. दोन्ही विश्वचषकांच्या चॅम्पियन संघाला मिळणाऱ्या बक्षीस रकमेत अनेक पटींचा फरक आहे.

ICCने T20 विश्वचषकासाठी एकूण 56 लाख डॉलर म्हणजेच 45.14 कोटींची बक्षीस रक्कम निश्चित केली होती, जी सर्व 16 संघांमध्ये वेगवेगळी वाटली गेली. अंतिम फेरीच्या चॅम्पियन संघाला सुमारे 13 कोटी रुपये बक्षीस म्हणून देण्यात आले. तर उपविजेत्या संघाला सुमारे 6.44 कोटी रुपये मिळाले.

FIFA विश्वचषक स्पर्धेत बक्षीस म्हणून 3585 कोटी मिळणार

फिफा विश्वचषकाची बक्षिसाची रक्कमही जाहीर करण्यात आली आहे. ही बक्षीस रक्कम 44 कोटी डॉलर म्हमजे सुमारे 3585 कोटी रुपये निश्चित करण्यात आली आहे. यामध्ये विश्वचषक विजेत्या संघाला 4.2 कोटी डॉलर म्हणजे सुमारे 342 कोटी रुपये मिळतील. मागील 2018 च्या विश्वचषक स्पर्धेच्या तुलनेत ही रक्कम 40 लाख डॉलर्स जास्त आहे.

क्रिकट आणि फूटबॉल विजेत्यांना मिळणारी रक्कम

>> ICC T20 विश्वचषक 2022 जिंकणाऱ्या संघाला सुमारे 13 कोटी रुपये मिळाले.

>> FIFA विश्वचषक 2022 जिंकणाऱ्या संघाला सुमारे 342 कोटी रुपये मिळतील.

>> आयपीएल 2022 चा हंगाम जिंकणाऱ्या संघाला सुमारे 20 कोटी रुपये मिळाले.

>> फिफा विश्वचषक स्पर्धेत 3585 कोटी रुपयांची बक्षीस रक्कम वितरित केली जाणार आहे.