चेन्नईतील चेपॉकच्या मैदानावर चेन्नई सुपर किंग्ज आणि रॉयल चॅलेंजर्स बंगळुरु या दोन्ही संघांमध्ये सुरु आहे. या सामन्यात चेन्नई सुपर किंग्जने नाणेफेक जिंकून प्रथम गोलंदाजीचा निर्णय घेतला. तर प्रथम फलंदाजीसाठी आलेल्या रॉयल चॅलेंजर्स बंगळुरु संघाला २० षटकअखेर १९६ धावा करता आल्या. चेन्नई सुपर किंग्ज संघाला हा सामना जिंकण्यासाठी १९७ धावांची गरज आहे.

या सामन्यात रॉयल चॅलेंजर्स बंगळुरु संघाकडून डावाची सुरुवात करण्यासाठी फिल सॉल्ट आणि विराट कोहली ही जोडी मैदानावर आली होती. त्याने आरसीबीला ताबडतोड सुरुवात करुन दिली. त्याने १६ चेंडूंचा सामना करत ५ चौकार आणि १ षटकाराच्या मदतीने ३२ धावांची खेळी केली. तर विराट कोहलीने ३० चेंडूत २ चौकार आणि १ षटकाराच्या साहाय्याने ३१ धावा करत माघारी परतला. तिसऱ्या क्रमांकावर फलंदाजी करताना, देवदत्त पडिक्कलने २७ धावा केल्या.

आरसीबीकडून फलंदाजी करताना रजत पाटीदारने सर्वात मोठी खेळी केली. त्याने ३२ चेंडूंचा सामना करत ५१ धावांची खेळी केली. या खेळीदरम्यान त्याने ४ चौकार आणि ३ षटकार खेचले. आरसीबीची सुरुवात पाहता, या डावात हा संघ २०० धावांचा पल्ला गाठेल, असं वाटलं होतं. मात्र तेज तर्रार मिळाल्यानंतर आरसीबीला हवा तसा शेवट करता आला नाही.

या सामन्यासाठी अशी आहे दोन्ही संघांची प्लेइंग ११:

विराट कोहली, फिलिप सॉल्ट, देवदत्त पडिक्कल, रजत पाटीदार (कॅप्टन), लियाम लिव्हिंगस्टोन, जितेश शर्मा (विकेटकीपर), टिम डेव्हिड, क्रुणाल पांड्या, भुवनेश्वर कुमार, जोश हेजलवूड, यश दयाल

चेन्नई सुपर किंग्स (Playing XI):

रचिन रवींद्र, राहुल त्रिपाठी, रुतुराज गायकवाड (कॅप्टन), दीपक हुड्डा, सॅम करन, रवींद्र जडेजा, एमएस धोनी (विकेटकीपर), रविचंद्रन अश्विन, नूर अहमद, मथीशा पथिराना, खलील अहमद