भारत आणि ऑस्ट्रेलिया या दोन्ही संघांमध्ये ५ कसोटी सामन्यांची मालिका सुरु आहे. या मालिकेतील दुसरा कसोटी सामना अॅडलेडच्या मैदानावर सुरु आहे. गेल्या सामन्यात संघाबाहेर राहिलेला रोहित शर्मा या सामन्यात कमबॅक करताना दिसून आला आहे.

दरम्यान आजचा दिवस हा भारतीय संघाकडून खेळत असलेल्या २ खेळाडूंसाठी अतिशय स्पेशल असणार आहे. कारण या खेळाडूंचा आज वाढदिवस आहे.

ऑस्ट्रेलियाविरुद्धच्या दुसऱ्या कसोटीसाठी जसप्रीत बुमराह मैदानात उतरला आहे. तर रविंद्र जडेजाला प्लेइंग ११ मध्ये स्थान देण्यात आलेलं नाही. हे दोघेही आज आपला वाढदिवस साजरा करत आहेत.

जडेजाला गेल्या सामन्यातही प्लेइंग ११ मध्ये स्थान देण्यात आलं नव्हतं. तर जसप्रीत बुमराह गेल्या सामन्यात भारतीय संघाचं नेतृत्व करताना दिसून आला होता. त्याच्या नेतृत्वाखाली खेळताना भारतीय संघाने पहिला कसोटी सामना २९५ धावांनी आपल्या नावावर केला होता.

जडेजाबद्दल बोलायचं झालं, तर त्याचा जन्म ६ डिसेंबर १९८८ ला जामनगर जिल्ह्यातील नवागम घेडमध्ये झाला. तर जसप्रीत बुमराहचा जन्म ६ डिसेंबर १९९३ ला अहमदाबादमध्ये झाला.

या खेळाडूंचाही आहे वाढदिवस

रविंद्र जडेजा आणि जसप्रीत बुमराहसह आणखी ३ भारतीय खेळाडू आज आपला वाढदिवस साजरा करत आहेत. जडेजा आणि बुमराह हे भारतीय संघाचा भाग आहेत, तर उर्वरीत २ खेळाडू हे वर्तमान भारतीय संघाचा भाग नाहीत.

हे ३ खेळाडू करुण नायर, आरपी सिंग आणि श्रेयस अय्यर आहेत. श्रेयस अय्यरचा जन्म ६ डिसेंबर १९९४ ला झाला. तर करुण नायरचा जन्म ६ डिसेंबर १९९१ ला झाला आणि आरपी सिंगचा जन्म ६ डिसेंबर १९८५ ला झाला.