बांग्लादेश आणि नेपाळ यांच्यात टी २० विश्वचषक २०२४ चा ३७ वा सामना १६ जून रोजी खेळला गेला. या सामन्यात बांगलादेशी संघाने २१ धावांनी विजय मिळवला, तर नेपाळचा पराभव झाला. सामन्यादरम्यान दोन्ही संघ विजयासाठी मोठी कसरत करताना दिसले. दरम्यान, नेपाळचा कर्णधार रोहित पौडेल आणि विरोधी संघाचा वेगवान गोलंदाज तनजिम हसन शाकिब यांच्यात मैदानावर बाचाबाची झाल्याचं समोर आलंय.

व्हिडिओमध्ये दिसतंय की, रोहित पौडेल आणि तनझिम हसन शाकिब यांच्यात शाब्दिक वाद झालाय. दोघंही रागाच्या भरात एकमेकांशी बोलत होते. त्यामुळे मैदानावरील वातावरण काही काळासाठी चांगलंच तापलं (Cricketer Tanzim Hasan Sakib Rohit Paudel Fight Video) होतं. बांगलादेश आणि नेपाळच्या टी २० सामन्यादरम्यान हा हायव्होल्टेज ड्रामा पाहायला मिळाला आहे. पंचांच्या मध्यस्थीने वातावरण शांत झाल्याचं दिसतंय.

आयसीसीने आपल्या इंस्टाग्राम अकाऊंटवर या दोघांच्या भांडणाचा व्हिडिओ शेअर केला आहे. या व्हिडिओमध्ये दोन्ही खेळाडू मैदानाच्या मध्यभागी मोठ्या आवाजाक एकमेकांशी बोलताना दिसत (Bangladesh VS Nepal) आहेत. मात्र, प्रकरण आणखी चिघळण्याआधीच मैदानावरील पंचांनी हस्तक्षेप करून प्रकरण मिटवल्याचं समोर आलंय. त्यानंतर दोन्ही खेळाडू आपापल्या मार्गाने निघून गेल्याचं दिसत आहे.

याआधी नेपाळविरुद्धच्या सामन्यात तनजीम हसन शकीबची भन्नाट गोलंदाजी (T20 World Cup 2024) क्रिकेटप्रेमींना पाहायला मिळाली. या सामन्यात त्याने आपल्या संघासाठी एकूण ४ षटके टाकली होती. केवळ ७ धावांत ४ बळी घेतले होते. नेपाळविरुद्धच्या उत्कृष्ट गोलंदाजीसाठी हसन शकीबला ‘प्लेअर ऑफ द मॅच’ म्हणून निवडण्यात आलं होतं. विरोधी संघाचा कर्णधार रोहित पौडेल या सामन्यात आपल्या संघासाठी तिसऱ्या क्रमांकावर फलंदाजीसाठी आला होता. तो केवळ सहा चेंडूंमध्ये एक धाव काढून बाद झाला (T20 World Cup 2024 Video) होता.